Hoes-en-proes-tyd het aangebreek

AAK jou spreekwoordelike sitplekgordel vas, want dis weer daai tyd van die jaar.

- ■ANDRÉ SMITH

Dis weer hoes-en-proes-tyd net waar jy kyk. Ja-nee, die winter is op ons en saam met hom bring hy ouder gewoonte sy dosis verkoue en griep.

Ek is een van daai mense wat klokslag met die draai van 'n seisoen my volledige porsie verkoue inkry. Anders geniet ek goeie gesondheid ... dis nou as jy die klompie pille aftrek wat baie van ons hier ná veertig moet begin neem om die hart teen sy normale pas te laat klop.

Ek weet nie van julle nie, maar dit voel vir my asof die verkoue en griep wat 'n mens deesdae kry, veel erger is as voor die Covid-19 pandemie.

Dis amper asof ons deesdae seisoen 4 van die pandemie beleef.

Vra vir my, want ek het hom so 'n paar weke gelede aan my bas gevoel.

Krapperigheid