పులివర్తి నానిపై వైసీపీ మూకల ఆటవిక దాడి

*వైసీపీలో చోటు చేసుకున్న ఓడిపోతామన్న అభదత్రా భావం దాడులకు ముందస్త పణాళికలు

అన్ని తుమ్మలగుంట నుంచే 

ప్రమాదపు అంచులో ఈవీఎంల భద్రత

శాంతి భద్రతలకు విఘాతం అనుమానం కలిగిస్తున్న పోలీసుల వైఖరి

తిరుపతి - ఆంధ్రనాడు, మే 14: చంద్రగిరి నియోజకవర్గం ఎన్డీఏ కూటమి పార్టీల ప్రతిపాదిత తెలుగు దేశం పార్టీ ఎమ్మెల్యే అభ్యర్థి పులివర్తి నానిపై మంగళవారం తిరుపతి మహిళా విశ్వవిద్యాలయంలో వైసిపి అల్లరి మూక లు ఆటవిక దాడి చేశారు. నియోజక వర్గానికి సంబంధించిన ఈవీఎంలు పద్మావతి మహిళా విశ్వవిద్యాలయంలో స్ట్రాంగ్ రూమ్లో భద్రపరిచిన విషయం. అందరికీ విధితమే. స్ట్రాంగ్ రూములను పరిశీలించడానికి పులివర్తి నాని రెండు వాహనాలలో బయలుదేరి మహిళా విశ్వవిద్యాలయంకి చేరుకున్నారు. నాని తప్పక స్ట్రాంగ్ రూమ్ వద్దకు వస్తారని ఊహించిన చెవిరెడ్డి అనుచరులు మద్యం సేవించి మహిళా విశ్వవిద్యాలయంలో మాటు వేశారు. నాని వాహనాలు విశ్వవిద్యాలయంలోకి ప్రవేశించగానే బీరు బాటలతో విసిరారు. ఆగిన వాహనాలపైకి రామ చంద్రాపురం మండల జడ్పిటిసి ఢిల్లీ రాని భర్త ఒల్లేటి భాను కుమార్ రెడ్డి, నడవలూరు సర్పంచ్ గణపతి రెడ్డి తమ అనుచరులు 60 మంది పైగా ఇనుప రాడ్లు, సమ్మెటలు, రాళ్లు, బీరు బాటిల్స్, కర్రలతో వాహనాలపైకి దాడి చేశారు. అడ్డుకోపోయినా గన్ మాన్ ధరణి తలపై కర్రలతో గాయపరిచారు . గన్ మాన్ ఆత్మ రక్షణ కోసం గాలిలో కాల్పులు జరిపారు. దీంతో వైసీపీ రౌడీలు పరారయ్యరు. డ్రైవర్ చాకచక్యంగా వాహనాన్ని ముందుకు తీసుకు పోవడంతో పెద్ద ప్రమాదం తప్పింది.

నాని, గన్ మాన్ లు ఆసుపత్రికి తరలింపు

వైసిపి దాడుల్లో గాయపడ్డ పులివర్తి నాని గన్ మాన్ ధరణి లను హుటాహుటిన తిరుపతి సిమ్స్ ఆసుపత్రికి తరలించారు. దాడిలో నాని చాతి పైన పెద్దరాయ పడటంతో ఆయన అస్వస్థతకు గురయ్యారు. ఎడమ భుజం పైన సమ్మెతో కొట్టిన దెబ్బ తగిలింది. పలు చిన్నపాటి గాయాలు కూడా అయ్యాయి. నానికి అన్ని వైద్య పరీక్షలు నిర్వహించి, సిమ్స్ లో అత్యవసర చికిత్స అందిస్తున్నారు. గన్ మాన్ తలకి తీవ్ర గాయం అవడంతో ఆయనకు ప్రత్యేక చికిత్స అందిస్తున్నారు.

ఓడిపోతామన్న అభద్ర ప్రభావంతో దాడులు: