కబ్జాలకు కేరాఫ్ అడ్రస్

వరిటెక్స్ విరాట్ నిర్మాణ సంస్థ

- 

ఇరిగేషన్ అధికారులకు కండ్లు కనబడటం లేదా..? ఇలా దర్జాగా కబ్జా చేస్తున్న ఒక్క కేసు నమోదు కాలేదు

• మియాపూర్ లో ఈ సంస్థ చేతిలో కనుమరుగవుతున్న రామసముద్రం కుంట..

• అభివృద్ధి పేరుతో కుంటను కానరాకుండా చేస్తూ.. దర్జాగా కబ్జా చేస్తున్న వర్మ..

• భారీ ఎత్తున ముడుపులు తీసుకొని ఆ వైపు కన్నెత్తి చూడని ఇరిగేషన్ అధికారులు..

• ఏ-12 నుండి, ఏ-20 వరకు లాటిట్యూడ్, లాంగి ట్యూడ్ పాయింట్ ఇందుకు ఆధారం..

• కబ్జా జరిగింది వాస్తవమే.. డిమాలిషన్కు పెట్టామని తెలిపిన ఏ.ఈ. పావని..

• కానీ పోలీస్ స్టేషన్లో వర్మపై కేసు నమోదు చేయకపోవడంలో మతలబెంటి..?

• రాష్ట్ర ఉప ముఖ్యమంత్రి భట్టి సైతం కబ్జా చేశాడని తెలిపినా మొద్దు నిద్రపోతున్న ఇరిగేషన్, రెవెన్యూ అధికారులు..

• కుంటలోకి మల ముత్రాలు వదిలి పెడుతున్న వరిటెక్స్ విరాట్ నిర్మాణ సంస్థ..

• ఈ వ్యవహారంపై హైడ్రా కమీషనర్ రంగనాథ్ చర్యలు తీసుకుంటారా.. లేదా చూడాలి..?

వరిటెక్స్ వర్మ.. ఈయన గారికి చట్టాలపై, ప్రభుత్వ నిబంధనలపై ఎలాంటి గౌరవం లేదు.. ఈయన చెబుతున్నది ఒకటి.. చేస్తున్నది మరొకటి.. విచిత్రం ఏమిటంటే ఇతగాడిపై అధికారులు గానీ, ప్రభుత్వ పెద్దలు గానీ కన్నెత్తి చూడకపోవడం.. వ్యవస్థలను తనకు అనుగుణంగా మేనేజ్ చేస్తున్న వరిటెక్స్ వర్మ ఏకంగా ఒక కుంటనే మల మూత్రాలతో నింపే కార్యక్రమం చేపట్టాడు.. చెరువును అభివృద్ధి చేస్తానంటూ నమ్మబలికి.. చివరకి ఆచెరువునే మింగేసే కుట్రలు చేశాడు.. అసలు ఇతగాడి వెనకాల ఎవరున్నారు..? ఏ అధికారులు ఈయనకు ఊడిగం చేస్తున్నారు..? ఏ నాయకుడు తన అభయ హస్తం అందిస్తున్నాడు..? ఈ నిజానిజాలు ప్రజలకు తెలిసేదెన్నడు..? వాస్తవాలను వెలుగులోకి తేవడానికి అనుక్షణం ప్రయత్నిస్తూనే ఉంది ' ఆదాబ్ హైదరాబాద్..