సీఎం కేసీఆర్ పాలనలో తెలంగాణ సర్వనాశనం

• తెలంగాణలో కేసీఆర్ కుటుంబం మాత్రమే లాభపడింది  • నాగర్ కర్నూలులో బీజేపీ నవ సంకల్ప సభ.. • హాజరైన జేపీ నడ్డా, కిషన్ రెడ్డి, బండి సంజయ్..

- 

• తెలంగాణలో కేసీఆర్ కుటుంబం మాత్రమే లాభపడింది 

• నాగర్ కర్నూలులో బీజేపీ నవ సంకల్ప సభ..

• హాజరైన జేపీ నడ్డా, కిషన్ రెడ్డి, బండి సంజయ్..

• తెలంగాణలో ఎవరూ సంతోషంగా లేరన్న నడ్డా..

• బీజేపీతోనే తెలంగాణ అభివృద్ధి సాధ్యమని స్పష్టీకరణ..

• ఎమర్జెన్సీకి వ్యతిరేకంగా పోరాడిన యోధుడు నడ్డా..

కాంగ్రెస్ ముక్త్ భారత్ లక్ష్యంతో పోరాడి 45 రోజుల పాటు నిర్బంధానికి గురైన వీరుడు.. విద్యార్థి పరిషత్ కార్యకర్త నుండి అసామాన్యుడై బీజేపీని అత్యంత శక్తివంతమైన పార్టీగా తీర్చిదిద్దిన వ్యక్తి.. ఇంటింటికీ కమల వికాసం కోసం శ్రమిస్తున్న నాయకుడు జేపీ నడ్డా అంటూ కొనియాడిన బండి సంజయ్..

హైదరాబాద్ 25 జూన్ (ఆదాబ్ హైదరాబాద్ : తెలంగాణలో కేసీఆర్ కుటుంబం మాత్రమే లాభపడిందని బీజేపీ జాతీయ అధ్యక్షుడు జేపీ నడ్డా ఫైర్ అయ్యారు. బీజేపీ అధికారంలోకి వస్తేనే రాష్ట్రాభివృద్ధి సాధ్యమవుతుందని అన్నారు. మహా జన్ సంపర్క్ అభియాన్లో భాగంగా నాగర్ కర్నూల్లో నిర్వహించిన 'నవ సంకల్ప సభ'లో నడ్డా పాల్గొన్నారు. అక్కడి సభలో మాట్లాడిన నడ్డా.. తెలంగాణలో సీఎం కేసీఆర్, ఆయన కుమారుడు కేటీఆర్, కుమార్తె కవిత మాత్రమే హ్యాపీగా ఉన్నారన్నారు. ఎందరో ఆత్మబలిదానాల ఫలితంగా ఏర్పాటైన రాష్ట్రంలో కేసీఆర్ కుటుంబం మాత్రమే బాగుపడిందని మండిపడ్డారు. ముందుగా జోగులాంబ శక్తి పీఠానికి, ఉమామహేశ్వరం, కృష్ణా నదికి నమస్కరించి ప్రసంగాన్ని ప్రారంభించారు. రాష్ట్రం కోసం ఎంతో మంది బలిదానాలు చేస్తే కానీ ఒక్క కేసీఆర్ కుటుంబం మాత్రమే బాగుపడిందని ఆరోపించారు.