દરિયાના પેટમાં પીએમની લટારનું સિક્રેટ મિશન

વડા પ્રધાન નરેન્દ્ર મોદીએ સુદર્શન બ્રિજનું લોકાર્પણ કરી દ્વારકાના દરિયામાં ડૂબકી લગાવીને દુનિયાને ચોંકાવી દીધી, પરંતુ આ આખું સિક્રેટ મિશન બે મહિનાથી ચાલતું હતું. આ દિલધડક કાર્યક્રમનો રોચક ઘટનાક્રમ અને એ પાર પાડનારા પડદા પાછળના કિરદારો વિશે એક્સક્લુઝિવ અહેવાલ.

- દેવેન્દ્ર જાની (રાજકોટ)

રવિવાર, ૨૫ ફેબ્રુઆરીએ સૂર્ય મધ્યાહ્ને પહોંચવાની તૈયારીમાં હતો ત્યારે મિડિયામાં ન્યુઝ બ્રેક થયા કે વડા પ્રધાન નરેન્દ્ર મોદી દ્વારકાના દરિયામાં સ્કૂબા ડાઈવિંગ કરીને દરિયામાં ડૂબેલી પ્રાચીન દ્વારકા નગરીના અવશેષો નિહાળશે.

પીએમના સત્તાવાર કાર્યક્રમમાં આ વાતનો ઉલ્લેખ નહોતો એટલે દ્વારકામાં હાજર પત્રકારો અને મોટા ભાગના બ્યુરોક્રેટ્સને પણ સાહેબના સ્કૂબા ડાઈવિંગ સાહસનો અણસાર નહોતો. જો કે આ કાર્યક્રમ અચાનક ગોઠવાયો નહોતો, પણ આ એક એવું ખાનગી મિશન હતું, જેની તૈયારી બેએક મહિના અગાઉ સરકારી એજન્સીઓએ દિલ્હીથી મળેલા આદેશ બાદ શરૂ કરી દીધી હતી.

સમયપત્રક અનુસાર નરેન્દ્ર મોદીએ ૨૫ ફેબ્રુઆરીની સવારે બેટ દ્વારકા અને ઓખાને જોડતા સુદર્શન સેતુ (સિષ્નચર બ્રિજ)નું લોકાર્પણ કર્યા બાદ દ્વારકા જગતમંદિરે પહોંચી ભગવાન કૃષ્ણનું પૂજન કર્યું. પછી એકાએક મંદિરના પાછળના ભાગે આવેલા સુદામા સેતુ તરફ જવા માંડ્યા ત્યારે ઉપસ્થિતોને અણસાર આવતો ગયો કે સાહેબ સમુદ્ર તરફ આગળ વધી રહ્યા છે એટલે કંઈક નવો અખતરો હોઈ શકે. મોદી પંચકૂઈ ટાપુએ પહોંચ્યા ત્યારે લગભગ પાક્કું થઈ ગયું કે વડા પ્રધાન દરિયામાં સ્કૂબા ડાઈવ કરી પ્રાચીન દ્વારકાનાં દર્શન કરશે.

અને એમનું આ મિશન સફળ રહ્યું. એમણે દરિયામાં ત્રીસેક ફૂટ નીચે જઈને પ્રાચીન અવશેષો નિહાળી, દ્વારકાધીશને પ્રાર્થના કરી સાથે લાવેલા મોરપીંછને એ પથ્થરના છિદ્રમાં ખોસ્યું. કલાક-બે કલાકમાં આ ઘટનાના ફોટા અને વિડિયો ખુદ નરેન્દ્ર મોદી અને બીજા સેંકડો લોકોએ સોશિયલ મિડિયામાં શૅર કર્યા. દુનિયાભરના લોકો માટે આ એક સુખદ આશ્ચર્ય હતું.

અહીં સવાલ એ છે કે વડા પ્રધાનને દ્વારકાના દરિયામાં ગોતાખોરી કરાવવાના સફળ મિશનનો ખરો હીરો કોણ? તો જાણી લો કે આ સાહસમાં છે મૂળ દ્વારકાના એવા ગી રિકાના પ્રોફેશનલ સ્કૂબા પડદા પાછળ જેની મુખ્ય ભૂમિકા હતી એ છે મૂળ દ્વારકાના ૧ પ્રોફેશનલ સ્કૂબા ડાઈવર કિરીટ વેગડ. આ ભૂમિકા સફળતાથી ભજવીને એમણે ઈન્ડિયન નેવી અને તટરક્ષક દળ (કોસ્ટ ગાર્ડ)ના અધિકારીઓની શાબાશી મેળવી.