દાગીનાને ઘરમાં જ આપો નવી ચમક

દિવાળી ગઈ, હવે લગ્નસરાના દિવસો આવશે... તો સાજસજાવટ માટે કરવા લાગો તૈયારી.

- 

જર ઝવેરાત વર્ષો જ નહીં, સદીઓથી આપણી સંસ્કૃતિ અને આપણા પહેરવેશનો ભાગ રહ્યાં છે. આપણાં પ્રાચીન શિલ્પ-સ્થાપત્યમાં પણ   આપણો આભૂષણપ્રેમ પ્રગટ થાય છે. વળી, આપણે તો કંઠી, ચૂંક, વીંટી, બુટ્ટી, ઝાંઝર, વગેરે રૂપે દાગીનાને આપણા રોજિંદા જીવનનો ભાગ બનાવી દીધા છે.

આપણું જોઈ જોઈને અનેક વિદેશી લોકોએ જુદાં જુદાં ઘરેણાંને એમની ફૅશન સાથે સાંકળી લીધાં છે. આપણે ત્યાં ઘણા પ્રાંત-વિસ્તાર ત્યાંના દાગીનાને કારણે આગવી ઓળખ ધરાવે છે. ઉત્તરાખંડની નથથી માંડી શંખપોળની જેમ ભારતનાં કેટલાંક રાજ્યોનું ઝવેરાત વિશ્વભરમાં પ્રખ્યાત છે.

હવે એ વિચારો કે દાગીના લેતાં તો લેવાઈ ગયા, પણ આપણે એની યોગ્ય કાળજી લઈએ છીએ ખરાં? આ વિચારવું જરૂરી છે, કારણ કે ઘણી વાર ઘરેણાંની યોગ્ય કાળજી ન લેવાને કારણે એ એની ચમક અને સુંદરતા બન્ને ગુમાવી શકે છે. વળી, સોનાના દાગીના સતત પહેરી રાખવાથી પરસેવાને લીધે ઝડપથી કાળા થઈ શકે છે. ઉનાળામાં એનું પ્રમાણ વધી જાય એ સાજિક છે. જ્વેલરીને ચમકદાર બનાવવા માટે મોટા ભાગના લોકો એને પૉલિશ કરાવવાનું પસંદ કરે છે. એમાં ક્યારેક લોકો છેતરાય પણ છે. જો કે કેટલીક ઘરેલુ ટ્રિક્સ અજમાવીને સોનાની ચમક પાછી લાવી શકાય છે. ઘરે ઘરેણાં સાફ કરવા માગતા હોય એવા લોકો માટે કેટલીક સરળ પદ્ધતિ હાથવગી છે. ચાલો, આ લેખમાં જાણીએ એ વિશે...