മേന്മയുള്ള ധാന്യപ്പൊടികളുടെ പെരുമയിൽ സമ്പുഷ്ട് 20 ഉൽപന്നങ്ങളിലേക്ക്

SAMPADYAM

October 01, 2025

3 വർഷം മുൻപ് ഗോതമ്പുപൊടിയിൽ തുടക്കം. ഇന്ന് 20 വൈവിധ്യമാർന്ന ഉൽപ്പന്നങ്ങളും മാസം 15 ലക്ഷം രൂപ വിറ്റുവരവും.

മേന്മയുള്ള ധാന്യപ്പൊടികളുടെ പെരുമയിൽ സമ്പുഷ്ട് 20 ഉൽപന്നങ്ങളിലേക്ക്

ഒരു കുടുംബത്തിലെ രണ്ടു പേരും ഒരു സുഹൃത്തും ചേർന്ന് ഒരു ഉൽപന്നം മാത്രം ലക്ഷ്യംവച്ചുകൊണ്ടു തുടങ്ങിയ സംരംഭം 3 വർഷം കൊണ്ട് 20ൽപരം ഉൽപന്നങ്ങൾ നിർമിച്ചു നൽകുന്ന നിലയിലേക്കു വളർന്നു. മാവേലിക്കരയ്ക്കടുത്ത് മാങ്ങാംകുഴിയിലാണ് ന്യൂട്രിം അഗ്രോ ഫുഡ്സ് എന്ന ഈ സംരംഭം പ്രവർത്തിക്കുന്നത്. "സമ്പുഷ്ട് എന്ന പേരിൽ നാലു ജില്ലകളിൽ ഉൽപന്നങ്ങൾ വിൽക്കുന്നുണ്ട്.

എന്താണ് ബിസിനസ്?

മികച്ച ഗോതമ്പുപൊടി എന്നതിലായിരുന്നു തുടക്കം. അതു നന്നായി വിറ്റുപോയതോടെ. അതുമാത്രം പോരാ, വിപണിയിൽ ശോഭിക്കാനും വളരാനും എന്നു തിരിച്ചറിഞ്ഞു. അതോടെ പുട്ടുപൊടി, അപ്പം പൊടി, മില്ലറ്റ് പൊടികൾ എന്നിവയിലേക്കുകൂടി കടന്നു. ഇന്നു പുട്ടു പൊടികൾ തന്നെ 5 ഇനം ഉണ്ട്. വെള്ള, ചമ്പ, ഗോതമ്പ്, റാഗി, ചോളം എന്നിങ്ങനെ. എല്ലാം സ്റ്റീം പുട്ടുപൊടികൾ. കൂടാതെ, അപ്പം പൊടി, ഈസി പാലപ്പം പൊടി, ചോളപ്പൊടി, റാഗിപ്പൊടി, റോഡ് റവ എന്നിവയും വിൽക്കുന്നു.

മധ്യപ്രദേശിലെ ഭോപ്പാലിൽ നിന്നും നേരിട്ടു വാങ്ങുന്ന ഗോതമ്പ് നന്നായി കഴുകി ഉണക്കിപ്പൊടിച്ചു വിപണിയിലെത്തിക്കുന്നു. ഏറ്റവും ശുദ്ധമായ ഗോതമ്പുപൊടിയാണ് ഇവരുടെ പ്രത്യേകത. കുറഞ്ഞ വിലയിൽ മികച്ച അരി ലഭിക്കുന്നതിനാൽ ആന്ധ്ര, കർണാടക എന്നിവി ടങ്ങളിൽനിന്നും അരിയും ചെറുധാന്യങ്ങളും വാങ്ങുന്നു. ക്രഡിറ്റ് ലഭിക്കില്ലെങ്കിലും അസംസ്കൃതവസ്തുക്കൾക്കു യാതൊരു ക്ഷാമവും നേരിടുന്നില്ല, എല്ലാം സുലഭം.

ഒന്നര കോടിയുടെ നിക്ഷേപം