മത്സരം കുറവ്, അപൂർവ ബിസിനസിൽ നേടുന്നത് 20% വരെ ലാഭം

15 വർഷമായി ഷൊർണൂർ വ്യവസായ എസ്റ്റേറ്റിൽ സംരംഭം നടത്തുകയാണ് റിട്ടയേർഡ് എയർഫോഴ്സ് ഉദ്യോഗസ്ഥനായ വേണുകുമാർ.

- 

വളരെയേറെ സാധ്യതയുള്ള, അതേസമയം തുടങ്ങാനും കൊണ്ടുനടക്കാനും കുറച്ചു ബുദ്ധിമുട്ട് നേരിടുന്നതുമായ ഒരു സംരംഭമാണ് വേണുകുമാറിന്റേത്. 15 വർഷമായി ഷൊർണൂർ വ്യവസായ എസ്റ്റേറ്റിൽ അതുല്യ എൻജിനീയറിങ് ആൻഡ് പൗഡർ കോട്ടിങ് എന്ന പേരിലാണ് സ്ഥാപനം പ്രവർത്തിക്കുന്നത്.

എന്താണ് ബിസിനസ്?

ലോഹങ്ങൾ, പ്രത്യേകിച്ച് ഇരുമ്പിനങ്ങൾ തുരുമ്പി ക്കാതിരിക്കാനും ഏറെനാൾ നിലനിൽക്കാനുമായി ഉപയോഗിച്ചുവരുന്ന സാങ്കേതികവിദ്യയാണ് പൗഡർ കോട്ടിങ്. കാർഷിക ഉപകരണങ്ങൾ, സ്റ്റീൽ ഫർണിച്ചറുകൾ, ഓട്ടമൊബീൽ യൂണിറ്റുകളി ൽ ഉപയോഗിക്കുന്ന റോഡുകൾ, ഫോർജിങ് സാമ ഗ്രികൾ തുടങ്ങിയവയിലാണ് പൗഡർ കോട്ടിങ് ആവ ശ്യമായിട്ടുള്ളത്. കാർഷിക ഉപകരണങ്ങളിലാണ് ഇവി ടെ കൂടുതലായും പൗഡർ കോട്ടിങ് നടത്തുന്നത്. ഒപ്പം കാർഷിക ഉപകരണങ്ങളുടെ നിർമാണവും ചെറിയതോതിൽ വേണുകുമാറിന്റെ സ്ഥാപനത്തിൽ നടന്നുവരുന്നു.

എയർഫോഴ്സ് ഉദ്യോഗസ്ഥൻ

15 വർഷത്തെ സേവനത്തിനുശേഷം എയർഫോഴ്സി ൽനിന്നു വിരമിച്ച ഉദ്യോഗസ്ഥനാണ് വേണു കുമാർ. വിരമിച്ചശേഷം അത് മത്സരം ഇല്ലാത്ത ഒരു ബിസിനസ് ചെയ്യണമെന്നായിരുന്നു ആലോചന.

സർവീസിലുണ്ടായിരുന്ന സമയത്തുതന്നെ ഇത്തരം മേഖലയുമായി നല്ല ബന്ധം ഉണ്ടായിരുന്നതിനാൽ സംരംഭം തുടങ്ങുക എളുപ്പമായി. സ്വകാര്യ സ്ഥലത്താണ് ആദ്യം യൂണിറ്റ് ആരംഭിച്ചത്. പിന്നീട് സർക്കാരിന്റെ ഡവലപ്മെന്റ് പ്ലോട്ട് ഷൊർണൂരിൽ ലഭിച്ചതിനെ തുടർന്ന് മാറുകയായിരുന്നു. വ്യവസായ എസ്റ്റേറ്റിൽ സംരംഭം തുടങ്ങിയിട്ട് 15 വർഷമാകുന്നു.