പുകവലിച്ചിരുന്ന പണം മ്യൂച്വൽ ഫണ്ടിലേക്ക്

നല്ലൊരു സർക്കാർ ജോലിയുണ്ടായിട്ടും ഒരു കാർ വാങ്ങാൻ പണമില്ലെന്ന തിരിച്ചറിവിൽ നിക്ഷേപം ആരംഭിച്ച് 10 വർഷംകൊണ്ടു 18 ലക്ഷത്തോളം രൂപ സമാഹരിച്ചതെങ്ങനെയെന്ന് ആന്റോ പറയുന്നു.

- 

ആരോഗ്യം പരിഗണിച്ച് സിഗററ്റ് വലി എന്ന ദുശ്ശീലം ഉപേക്ഷിക്കുക. വർഷങ്ങൾക്കുശേഷം ഒരു കാർ വേണമെന്നു തോന്നിയപ്പോൾ കയ്യിൽ ഒന്നും മിച്ചമില്ലെന്നു തിരിച്ചറിയുക. മുൻകാലത്തു സിഗരറ്റിനായി ചെലവിട്ടിരുന്ന തുകകൊണ്ട് മ്യൂച്വൽ ഫണ്ടിൽ എസ്ഐപി തുടങ്ങി, കാറിനുള്ള പണം സമാഹരിക്കുക. പക്ഷേ, അതിലെ വളർച്ചാസാധ്യത മനസ്സിലാക്കിയതോടെ ആ നിക്ഷേപം പിൻവലിക്കാതെതന്നെ കാർ വാങ്ങുക. ആരോഗ്യവകുപ്പിൽ ഹെൽത്ത് ഇൻസ്പെക്ടറായ ആന്റോ എജെയുടെ നിക്ഷേപയാത്രയിൽ ടേണിങ് പോയിന്റുകൾ ഏറെയാണ്. വേറിട്ട ആ നിക്ഷേപയാത്രയിൽ സാധാരണക്കാരനു പഠിക്കാൻ പല സാമ്പത്തിക ടിപ്പുകളുമുണ്ട്. പുകവലി പ്രിയനായ ആന്റോയ്ക്ക ജോലി ലഭിക്കുന്നത് 1992ലാണ്. ആരെയും ആശ്രയിക്കേണ്ട കാര്യമില്ലാത്തതിനാൽ ഏറ്റവും മുന്തിയ സിഗററ്റ് തന്നെയാണ് വലിച്ചിരുന്നത്. 5000 രൂപ ശമ്പളമുള്ളപ്പോൾ മാസം 600 രൂപയ്ക്ക് സിഗററ്റ് വലിക്കുമായിരുന്നു. 2001 ഡിസംബർ 31നാണ് പുകവലി നിർത്തുന്നത്. അന്നു കയ്യിലുണ്ടായിരുന്ന ഒരു പായ്ക്കറ്റും അതിലെ ഒരു സിഗരറ്റും ഇപ്പോഴും കയ്യിലുണ്ട്. എന്നെങ്കിലും വലിക്കണമെന്നു തോന്നിയാൽ ഒരു തുടക്കത്തിനാണ് അന്ന് ആ സിഗററ്റ് സൂക്ഷിച്ചത്. എന്നാൽ അതൊരിക്കലും ആവശ്യമായി വന്നില്ല. ആന്റോ പറയുന്നു.

ആ ഓഹരികൾ വിറ്റിട്ടില്ല