എങ്ങനെ ഇലക്ട്രിസിറ്റി ബിൽ കുറയ്ക്കാം?

വൈദ്യുതി ഉപയോഗം കുറവാണെങ്കിലും ഇലക്ട്രിസിറ്റി ബിൽ കൂടുതലാണെന്ന് പരാതി പറയുന്നവർ പ്രത്യേകം ശ്രദ്ധിക്കുക

- 

കറന്റ് ബിൽ കാണുമ്പോൾ കണ്ണു തള്ളുന്നവർ അപൂർവ കാഴ്ചയൊന്നുമല്ല. വൈദ്യുതി നിയന്ത്രിച്ച് ഉപയോഗിച്ചാലും കറന്റ് ബില്ലിൽ കുറവൊന്നുമില്ല എന്ന് പരാതിപ്പെടുന്നവരുമുണ്ട്. വിഷമിക്കേണ്ട, കറന്റ് ബിൽ കുറയ്ക്കാനുള്ള വഴികളാണ് ഈ ലക്കത്തിൽ നമ്മൾ ചർച്ച ചെയ്യുന്നത്.

കറന്റ് ബില്ലിൽ കാണിക്കുന്ന തുക നമ്മൾ യഥാർഥത്തിൽ ഉപയോഗിക്കുന്നതാണോ അതോ വൈദ്യുതി ചോർച്ച ഉണ്ടാവുന്നതാണോ എന്ന് ശ്രദ്ധിക്കുക. ഉപയോഗം കൂടുതലല്ലെങ്കിലും ഭീമമായ തുകയാണ് ബില്ലിൽ വരുന്നതെങ്കിൽ വൈദ്യുതി ചോർച്ചയ്ക്കുള്ള സാധ്യത ഉണ്ട്.

ചോർച്ച തടയാം

ചോർച്ച പരിശോധിക്കാൻ ആദ്യം ഇലക്ട്രിക് ഇൻസുലേഷന്റെ ഗുണനിലവാരം ഉറപ്പാക്കുക. താൽക്കാലിക കണക്ഷൻ പോലെയുള്ളവ ആണെങ്കിൽ ഗുണനിലവാരം കുറയാം. പല വീടുകളിലും ആർസിസിബി ഉണ്ടാകാറില്ല. ആർസിസിബി നൽകുക മാത്രമല്ല, കൃത്യമായ ഇടവേളകളിൽ പരിശോധിക്കുകയും വേണം. ആർസിസിബി ബൈപാസ് ചെയ്തിട്ടുണ്ടെങ്കിൽ വൈദ്യുതി ചോർച്ച സംഭവിക്കാൻ സാധ്യതയുണ്ട്.