മല്ലി, കാരറ്റ് കൃഷി ഇങ്ങനെ

10 രൂപ പാക്കറ്റ് : 4 വിത്തിനങ്ങൾ ലക്കത്തിനൊപ്പം ഈ മല്ലി, കാരറ്റ്, വള്ളിപ്പയർ, ചീര

- ആർ. വീണാറാണി

മല്ലി കൃഷി ചെയ്യാൻ പ്രയാസമില്ലെങ്കിലും വിത്ത് മുളപ്പിക്കുക അത്ര എളുപ്പമല്ല. കട്ടി കൂടിയ തോട് മല്ലി വിത്തിനെ എളുപ്പത്തിൽ മുളയ്ക്കാൻ അനുവദിക്കുകയില്ല. അതുകൊണ്ട്, 24 മുതൽ 48 മണിക്കൂർ വരെ വെള്ളത്തിൽ കുതിർത്തതിനുശേഷമേ വിത്ത് പാകാവൂ. കുതിർത്ത വിത്ത് കൈകൊണ്ടു തിരുമ്മിയെടുത്തു പാകിയാൽ എളുപ്പം മുളയ്ക്കും.

വിത്ത് ഒരുക്കുന്നതുപോലെ ഏറെ ശ്രദ്ധ മല്ലിഷിക്കു മണ്ണൊരുക്കുന്നതിനും വേണം. വിത്ത് നടുന്നതിനു രണ്ടാഴ്ച മുൻപ് ഗ്രോബാഗിൽ 100 ഗ്രാം പൊടിഞ്ഞ കുമ്മായം മണ്ണുമായി കൂടിച്ചേർക്കണം. ഉണങ്ങിപ്പൊടിഞ്ഞ കാലിവളവും ചകിരിച്ചോറ് കംപോസ്റ്റും മേൽമണ്ണും ഒരേ അനുപാതത്തിൽ ചേർത്ത പോട്ടിങ് മിശ്രിതത്തിൽ വിത്തു പാകാം. വിത്ത് അരയടി അകലത്തിൽ പാകിയതിനുശേഷം അര ഇഞ്ച് കനത്തിൽ ചകിരിച്ചോറ് കംപോസ്റ്റ് ഇട്ട് അമർത്തിക്കൊടുക്കണം.