ദുശ്ശീലമുള്ള കോഴികൾ

പെറ്റ്സ് കോർണർ

- ഡോ. ബീന. ഡി

തൂവൽ കൊത്തിവലിക്കൽ, പരസ്പരം കൊത്തൽ എന്നീ ദുശ്ശീലങ്ങൾ എല്ലാ വർഗത്തിൽപെട്ട കോഴികളിലും പല രീതിയിലും കണ്ടുവരുന്നു. ഇവ രണ്ടും അപകടകരവും ചിലപ്പോൾ മരണത്തിനു തന്നെയും കാരണമാകാറുണ്ട്. പരിപാലനത്തിൽ വരാവുന്ന അപാകതകളാണ് ഈ ദുശ്ശീലത്തിന്റെ പ്രധാന കാരണം.

തീറ്റ, വെള്ളം എന്നിവ ആവശ്യത്തിന് അനുസരിച്ച് ലഭിക്കാതിരിക്കുക, പോഷകങ്ങളുടെയും ധാതുലവണങ്ങളുടെയും അഭാവം. തീറ്റയിലെ അമിത ഊർജം, കൂട്ടിൽ മുട്ടപ്പെട്ടികളുടെ എണ്ണത്തിലുള്ള കുറവ്. ആവശ്യത്തിലേറെയുള്ള, രൂക്ഷമായ വെളിച്ചം എന്നിവയാണ് ഇത്തരത്തിലുള്ള ദുശ്ശീലങ്ങളിലേക്കു നയിക്കുന്നത്.