துணிச்சலான குழந்தைகள் கு

ஹிமவனம் என்பது ஹிமாலய மலையின் அடிவாரத்தில் உள்ள ஒரு பசுமையான காடு. அங்கு பலவிதமான விலங்குகளும் பறவைகளும் வாழ்ந்தன.

- வந்தனா குப்தா

மேக்ஸ் குரங்கு, மோலி கீரி, ஹனி மான், லியோ ஆட்டுக்குட்டி, ஷீனா செம்மறியாடு மற்றும் ரியா ரக்கூன்- அனைத்தும் நல்ல நண்பர்கள். அவர்கள் தினமும் சேர்ந்து விளையாடுவார்கள்.

ஒரு ஞாயிற்றுக்கிழமை, எல்லா குழந்தைகளும் வெளியே விளையாட சென்றனர்.

"என்ன அழகான வானிலை! மேகம் சேருது! மலைக்கே போய்விட்டு விளையாடலாமே?” என்றான் லியோ.

“ஆமாம்! அங்கே நிறைய பழமரங்களும் பச்சை பல்லுயிர் மேய்ச்சல் நிலங்களும் இருக்கும்னு கேட்டிருக்கேன்!” என்று ஆவலுடன் ஒத்துக்கொண்டாள் ஷீனா.

“ஆனா அது ரொம்ப தொலைவு. நம்ம அப்பா அம்மா அனுப்ப மாட்டாங்க,” என்றாள் ரியா கவலையுடன்.

"மாலைக்குள்ள திரும்பவந்துரலாம். நாம் எங்கே போனோம் என்பதே தெரியாது!” என்றான் லியோ.

மலைப்பக்கம் போவதற்காக எல்லாரும் உற்சாகத்துடன் தயாரானார்கள். அவர்கள் பெரியவர்கள் யாருக்கும் தெரியாமலே கிளம்பினார்கள். மலைக்குச் சென்றதும் விளையாட ஆரம்பித்தார்கள். அப்போது திடீரென வானிலை மோசமாகி, பலமாக காற்று வீசியது. பிறகு கனமழை, இடியுடன் மின்னலும் தொடர்ந்தது.

பயந்துவிட்ட குழந்தைகள் அருகிலிருந்த ஒரு குகைக்குள் ஓடினார்கள். முழு நாளும் அவர்கள் அங்கேயே தங்க வேண்டியதானது. புயலால் இருள் விரைவில் வந்துவிட்டது.

"மாலை ஆகுது, இன்னும் மழை நிக்கவே இல்லை. வீட்டுக்கு எப்படி போறது?" என்றாள் ஹனி கவலையுடன்.

“அம்மா அப்பாவுக்கு நம்ம இங்க இருக்கோமேனு கூட தெரியாது," என்றாள் ஷீனா கிட்டத்தட்ட அழுது கொண்டே.

இரவு நேரம் ஆனதும், அவர்கள் ஒரு பெரிய சத்தத்தை கேட்டார்கள் ஏதோ கீழே விழுந்த மாதிரி.

“எனக்கு என் அம்மா தேவை!” என்று அழுதான் லியோ.

“நீயேதான் மலைக்குப் போலாம்னு சொன்னே! இப்ப பயப்படாதே. நம்ம எல்லாரும் சேர்ந்து இதைக் சமாளிக்கலாம்," என்று மெதுவாக சமாதானப்படுத்தினான் மேக்ஸ்.

“நான் அம்மா பக்கத்தில் தூங்கி தான் பழக்கம்," என்றாள் ரியா.

“இங்கே நாம் அனைவரும் தான் குடும்பம்," என்று ஹனி ஆறுதல் கூறினாள்.