Mini Electric

ഐക്കോണിക് ബ്രിട്ടിഷ് ബ്രാൻഡായ -മിനിയുടെ ആദ്യ ഇലക്ട്രിക് കാർ

- 

ഐക്കോണിക് ബ്രിട്ടിഷ് ബ്രാൻഡായ -മിനിയുടെ ആദ്യ ഇലക്ട്രിക് കാർ. ത്രീ ഡോർ ഹാച്ചാണിത്. മിനി കൂപ്പർ എസ് ഐസിഇ മോഡലിൽ നിന്നു ഡിസൈനിൽ വലിയ വ്യത്യാസമില്ല. സമാന പെട്രോൾ മിനി മോഡലിനെക്കാളും 145 കിലോഗ്രാം ഭാരക്കൂടുതലുണ്ട് മിനി കൂപ്പർ എസ് ഇ ഇലക്ട്രിക്കിന്. ഗ്രൗണ്ട് ക്ലിയറൻസ് 18 എംഎം കൂടിയിട്ടുണ്ട്. ലഗേജ് സ്പേസിലും മറ്റും കുറവില്ല. മഞ്ഞ നിറത്തിലുള്ള ഹൈലൈറ്റുകളാണ് ഇലക്ട്രിക് മിനിയുടെ ഡിസൈനിലെ പുതുമ. അടഞ്ഞ ഗ്രില്ലിലും വശങ്ങളിലും മിറർ കവറിലുമെല്ലാം ഇതു കാണാം. സ്പെഷൽ ഡിസൈനിലുള്ള 17 ഇഞ്ച് അലോയ് വീലുകളാണ്. അഡാപ്റ്റീവ് എൽഇഡി ഹെഡ്ലാംപാണ്.