कोशिश गोल्ड - मुक्त

ഓൺലൈനിൽ വാങ്ങാം ഓഫ് ആവാതെ

Vanitha

August 02, 2025

ഓൺലൈൻ ഷോപ്പിങ് നടത്തുമ്പോൾ എന്തൊക്കെ ശ്രദ്ധിക്കണം? അഥവാ ചതിവലയിൽ വീണാൽ നിങ്ങൾക്ക് എന്തൊക്കെ നിയമസഹായങ്ങൾ ലഭിക്കും?

- വിജീഷ് ഗോപിനാഥ്

ഓൺലൈനിൽ മൊബൈൽ ഓഡർ ചെയ്തിട്ട് പാക്കറ്റ് തുറക്കുമ്പോൾ ഇഷ്ടിക കിട്ടുന്നതും അക്കൗണ്ടിൽ നിന്നു പണം പോയ ശേഷം സോഷ്യൽമീഡിയ പേജിന്റെ പൊടി പോലും കണ്ടു പിടിക്കാൻ പറ്റാത്തതും ബുട്ടീക്കുകളുടെ വ്യാജ ഇൻസ്റ്റഗ്രാം പേജ് നിർമിച്ചു പണം തട്ടുന്നതും തുടങ്ങി നിരവധി പരാതികളാണു ദിവസേന റജിസ്റ്റർ ചെയ്യുന്നത്. തട്ടിപ്പുകാരുടെ അടുത്ത ഇര നിങ്ങളാവാതിരിക്കാൻ ശ്രദ്ധിക്കാം.

ഓർഡർ ചെയ്യും മുൻപ്

വിശ്വസനീയമായ സൈറ്റുകളിൽ നിന്നു സാധനങ്ങൾ വാങ്ങാൻ ശ്രദ്ധിക്കുക. സോഷ്യൽ മീഡിയ പേജുകൾ ആണെങ്കിൽ കമന്റുകൾ വായിച്ച് ഉൽപ്പന്നത്തെക്കുറിച്ചും സർവീസിനെക്കുറിച്ചും മനസ്സിലാക്കുക.

പരിചിതമല്ലാത്ത പേജായാലും സൈറ്റായാലും ആരാണു നടത്തുന്നതെന്നും അവരുടെ വിവരങ്ങളും തിരയുക. ഗൂഗിൾ ചെയ്ത് അവർ ഏതെങ്കിലും തട്ടിപ്പു നടത്തിയിട്ടുണ്ടോ എന്നു പരിശോധിക്കുക.

ബ്രാൻഡ് ലോഗോയും പ്രൊഫൈൽ പേരും തമ്മിൽ ബന്ധമുണ്ടോ എന്നു ശ്രദ്ധിക്കുക. പ്രൊഫൈലിലെ അക്ഷരത്തെറ്റ്, മോശം വ്യാകരണം, നിലവാരമില്ലാത്ത ലേ ഔട്ട് എന്നിവയെല്ലാം ഉണ്ടെങ്കിൽ കൂടുതൽ ജാഗ്രതയാവാം. കോൺടാക്ട് നമ്പരിലെയും മെയിൽ ഐഡിയിലെയും അവ്യക്തതയും സംശയത്തോടു കൂടി കാണണം.

HTTPS എന്നതും പാഡ് ലോക്ക് ചിഹ്നവും ബ്രൗസറിലെ യുആർഎൽ-ൽ കാണുന്നുണ്ടെന്ന് ഉറപ്പു വരുത്തുക. ഇത് ആധികാരികതയും എൻക്രിപ്ഷനും സുചിപ്പിക്കുന്നു.