MAN UP YOUR LOOK

താടിയും മുടിയും സുന്ദരമാക്കുന്നതിൽ തീരുന്നില്ല പുരുഷന്മാരുടെ ഒരുക്കം. "മെൻ മേക്കപ് എങ്ങനെ വേണമെന്ന് അറിഞ്ഞോളൂ...

- അമ്മു ജൊവാസ്

എന്റെ സ്കിൻ, എന്റെയീ ഫെയ്സ് ഇതൊക്കെ സുന്ദരവും സൂപ്പറും ആക്കണമെന്ന ചിന്ത പുരുഷന്മാർക്ക ല്ലേ ഇപ്പോൾ കൂടുതൽ ? അതുകൊണ്ടു തന്നെ അവർ ഗ്രൂമിങ്ങിനും മേക്കപ്പിനും പ്രാധാന്യം നൽകിത്തുടങ്ങി. സോ ഗയ്സ്, ഔദ്യോഗിക മീറ്റിങ്ങിനായാലും ഡേറ്റിങ്ങിനായാലും ആത്മവിശ്വാസത്തോടെ തിളങ്ങാൻ മേക്കപ്പിനെ ഫ്രണ്ട്സ് ലിസ്റ്റിൽ ചേർത്തോളൂ.

പുരുഷന്മാർക്കുള്ള ബേസിക് മേക്കപ്പിന്റെ ഘട്ടങ്ങളും ആവശ്യമായ മേക്കപ് ഉൽപ്പന്നങ്ങളും ചർമസംരക്ഷണത്തിനുള്ള നുറുങ്ങുകളും അറിഞ്ഞു വയ്ക്കാം സ്വാഭാവിക സൗന്ദര്യത്തെ കൂടുതൽ തിളക്കമാർന്നതാക്കാൻ ഒട്ടും വൈകേണ്ട.

മേക്കപ് തുടങ്ങും മുൻപ്

നാചുറൽ ലൈറ്റിങ്ങിൽ വേണം മേക്കപ്. അല്ലെങ്കിൽ ഒരുങ്ങിയിറങ്ങുമ്പോൾ മേക്കപ് അമിതമായ പോലെ തോന്നാം.

രാവിലെ ഫെയ്സ് വാഷ് ഉപയോഗിച്ചു മുഖം വൃത്തിയാക്കിയ ശേഷം ഒരു ഐസ് ക്യൂബ് ചർമത്തിൽ മെല്ലെ ഉരസാം. ചർമ സുഷിരങ്ങൾ അടയാൻ ഇതു സഹായിക്കും. മേക്കപ്പിനു ഫിനിഷിങ്ങും ലഭിക്കും.

ഉപയോഗ ശേഷമുള്ള രണ്ടു ഗ്രീൻ ടീ ഫ്രിജിൽ വച്ചു തണുപ്പിച്ചു കണ്ണിനു മുകളിൽ വയ്ക്കാം. കണ്ണിനടിയിലെ തടിപ്പ് അകറ്റാനും കണ്ണിന് ഉണർവ് നൽകാനും നല്ല വഴിയാണിത്. പ്രസരിപ്പ് നിറഞ്ഞ കണ്ണുകൾ നൽകുന്ന ആത്മവിശ്വാസം ചെറുതല്ല.

മേക്കപ് തുടങ്ങിയാലോ ?

മേക്കപ് അണിഞ്ഞുട്ടുണ്ടെന്നു പെട്ടെന്നു തിരിച്ചറിയാത്ത ഇൻവിസിബിൾ മേക്കപ് ആണ് പുരുഷന്മാർ കുടുതലും ആഗ്രഹിക്കുന്നത്. അതിനുള്ള ഘട്ടങ്ങളിതാ...

മുഖം വൃത്തിയാക്കാം: വൃത്തിയുള്ള ചർമത്തിൽ വേണം മേക്കപ് ചെയ്യാൻ ഫെയ്സ് വാഷ് അല്ലെങ്കിൽ ൻസർ ഉപയോഗിച്ചു മുഖം കഴുകി ഈർപ്പം ഒപ്പി മാറ്റുക. ശേഷം ലൈറ്റ് വെയ്റ്റ് മോയിസ്ചറൈസറോ ഹൈഡ്രേറ്റിങ് ഫെയ്സ് മിസ്റ്റോ ഉപയോഗിക്കാം.

ബേസ് വേണമല്ലോ. മേക്കപ്പിന്റെ അടിത്തറയാണ് പ്രൈമർ. ചർമസുഷിരങ്ങൾ പ്രകടമാകാതിരിക്കാനും മേക്കപ് ഏറെ നേരം നിലനിൽക്കാനും പ്രൈമർ വേണം.

ഒരു ടിപ് പറയാം, മേക്കപ് പ്രൊഡക്റ്റ്സിൽ വിലയേക്കാൾ ഗുണമേന്മയ്ക്കു മുൻതൂക്കം നൽകേണ്ട ഉൽപന്നമാണു പ്രൈമർ.

ഫൗണ്ടേഷൻ മാറ്റിനിർത്താം : സ്വാഭാവിക ലുക്ക് കിട്ടാൻ ടിന്റഡ് മോയിസ്ചറൈസർ ഉപയോഗിച്ചാൽ മതി. ഫൗണ്ടേഷൻ കൃത്യമായി തിരഞ്ഞെടുക്കുകയും നേർമയായി ഉപയോഗിക്കുകയും ചെയ്തില്ലെങ്കിൽ ഓവർ' ആയി തോന്നാം. ബിബി ക്രീം (ബ്ലെമിഷ് ബാം ക്രീം ബ്യുട്ടി ബാം ക്രീം പുരട്ടുന്നതും സ്വാഭാവിക ലുക് നൽകും.