പനി മരുന്നാണോ ആന്റിബയോട്ടിക്?

സോഷ്യൽമീഡിയ വഴി പ്രചരിക്കുന്ന ആരോഗ്യ സംബന്ധമായ തെറ്റിധാരണകൾ അകറ്റാം. കൃത്യമായ വിശദീകരണങ്ങളുമായി ഡോ. ബി. പത്മകുമാർ പ്രഫസർ, മെഡിസിൻ, മെഡിക്കൽ കോളജ്, ആലപ്പുഴ

- ബി. പത്മകുമാർ

പനി മാറാൻ ഡോക്ടർമാരോട് ആന്റിബയോട്ടിക്കുകൾ ചോദിച്ചു വാങ്ങി കഴിക്കുന്നവരുണ്ട്. ഡോക്ടറുടെ ഉപദേശമൊന്നുമില്ലാതെ, മെഡി ക്കൽ സ്റ്റോറിൽ നിന്ന് ആന്റിബയോട്ടിക് വാങ്ങിക്കഴിച്ചു സ്വയംചികിത്സ നടത്തുന്നവരും കുറവല്ല. എന്നാൽ പനി വന്നാലുടൻ പാരസെറ്റമോൾ പോലെ വാങ്ങിക്കഴിക്കേണ്ട പനി മരുന്നുകളല്ല ആന്റിബയോട്ടിക്കുകൾ, ബാക്ടീരിയൽ രോഗാണുബാധ ഉണ്ടാകുമ്പോൾ കരുതലോടെ ഉപയോഗിക്കേണ്ട ജീവൻരക്ഷാ മരുന്നുകളാണവ. ആന്റിബയോട്ടിക്കുകളുടെ ദുരുപയോഗവും അമിത ഉപയോഗവും മരുന്നുകൾ ഫലിക്കാത്ത രോഗാണുക്കളുടെ ആവിർഭവത്തിനിടയാക്കാം.