ഭൂമിക്കു നോവാതെ കല്യാണം

വിവാഹം പ്രകൃതി സൗഹാർദപൂർവം ആകണമെന്ന് കൂടുതൽ പേർ ആഗ്രഹിക്കുന്നു

- ശ്യാമ

വിവാഹ ചടങ്ങുകളെക്കുറിച്ച് ആഴത്തിലൊന്ന് ആലോചിക്കൂ...എത്രയെത്ര പ്ലാസ്റ്റിക് വസ്തുക്കളാണ് ചുറ്റും. പൂക്കൾ അലങ്കരിക്കാനുപയോഗിക്കുന്ന ഒയാസിസ് തൊട്ട്, തീൻമേശയിൽ വിരിക്കുന്ന വിരിയിൽ മധുരം കഴിക്കാൻ തരുന്ന സ്പൂണിൽ തുടങ്ങി എങ്ങും പ്ലാസ്റ്റിക്കിന്റെ അതിപ്രസരം. വെള്ളം കുടിക്കുന്ന പേപ്പർ കപ്പിൽ ചിലതിൽ പോലും പ്ലാസ്റ്റിക്കിന്റെ നേർത്ത ആവരണമുണ്ട്.

ഈ പ്രശ്നങ്ങൾക്കെല്ലാം ഒരു പരിധി വരെ പരിഹാരം തരുന്നതാണ് പ്രകൃതിക്കിണങ്ങിയ കല്യാണ പ്ലാനിങ്ങും വിവാഹ അലങ്കാരങ്ങളും പുതുതലമുറയിലെ വലിയൊരു വിഭാഗം ആളുകളും തങ്ങളുടെ ബിഗ് ഡേ'ക്കു വേണ്ടി പ്രകൃതി സൗഹൃദമാർഗങ്ങളെ കൂട്ടുപിടിക്കുന്നുണ്ട്.

ഒയാസിസിന് പകരം വാഴപ്പോള