മകൻ പറഞ്ഞു., "കമോൺട്രാ അമ്മേ

അമ്മയും മകനും ഒത്തൊരുമിച്ച് വിജയത്തിലേക്കു നീങ്ങിയ വിസ്മയകഥകൾ

- 

ഈ മൂന്നു അനുഭവകഥകള്‍ക്കും പൊതുവായൊരു പ്രത്യേകതയുണ്ട്‌. ജീവിതത്തിന്റെ ഒരു തിരിവില്‍ പല കാരണങ്ങളാല്‍ വീണു പോയവരാണ്‌ മൂന്നു അമ്മമാരും. മുന്നിലേക്ക്‌ പ്രതീക്ഷയുടെ വിരല്‍ നീട്ടിയതാകട്ടെ മക്കളും. പേടിക്കേണ്ട, നമുക്കൊരുമിച്ചു മുന്നോട്ടു പോകാം” എന്ന്‌ മകന്‍ കൊടുത്ത വാക്കിന്‍മേല്‍ പിടിച്ചു എഴുന്നേറ്റു നിന്ന്‌, വിജയവഴിയിലേക്കു നടന്ന ചിരിയാണ്‌ ഈ അമ്മമാരുടെ മുഖത്ത്‌.

പിഎസ്‌സി പരീക്ഷയില്‍ ഉയര്‍ന്ന വിജയം നേടിയ ബിന്ദുവും മകന്‍ വിവേകും, കേരളത്തില്‍ ഏറ്റവുമധികം കൂണ്‍ ഉല്‍പാദിപ്പിക്കുന്ന ലീനാസ്‌ മഷ്റും' ഉടമ ജിത്തുവും അമ്മ ലീനയും, നര്‍മ സ്‌കിറ്റുകളിലൂടെ ടെലിവിഷനിലും സ്റ്റേജ്ഷോകളിലും നിറഞ്ഞു നില്‍ക്കുന്ന അശ്വിനും അമ്മ ശ്രീരജനിയും.

മക്കളോടൊപ്പം പഠിച്ചു വളര്‍ന്ന്‌...

മലപ്പുറത്തെ പ്രതീക്ഷ പിഎസ്സി കോച്ചിങ്‌ സെന്ററിലെ വിദ്യാര്‍ഥികള്‍ക്കായി കരുതി വച്ചിരിക്കുന്ന റൈറ്റിങ്‌ പാഡുകളിലൊന്നില്‍ പേന കൊണ്ടു എഴുതിയ ഒരു വാചകം ഇപ്പോഴും മായാതെ കിടക്കുന്നുണ്ടാകും. എത്ര വര്‍ഷമെടുത്താലും എത്ര തന്നെ ബുദ്ധി മൂട്ടേണ്ടി വന്നാലും ഞാന്‍ എന്റെ ലക്ഷ്യം നേടിയെടുക്കുക തന്നെ ചെയ്യും.” പഠനം ഹരമായിരുന്നിട്ടും പത്താം ക്ലാസ്സില്‍ പഠനം നിര്‍ത്തേണ്ടി വന്ന, അങ്കണവാടി ടീച്ചറായ നാല്‍പതു വയസ്സുള്ള ബിന്ദു, സ്വയം പ്രചോദിപ്പിക്കാനായി കോറിയിട്ടതായിരുന്നു ആ വാക്കുകള്‍.

“അതെഴുതി മുഖമുയര്‍ത്തിയതും കണ്ണ്‌ നേരെ ചെന്നു നിന്നത്‌ മകനിലാണ്‌. അവന്‍ ധൃതിയില്‍ പരീക്ഷയെഴുതാന്‍ തുടങ്ങുന്നു. പിന്നെ, ഞാനും ഉഷാറായി പരീക്ഷയിലേക്ക്‌ കടന്നു.” അമ്മയുടെ പ്രചോദന കഥ കേട്ട്‌ തൊട്ടടുത്തിരിപ്പുണ്ട്‌ മകന്‍ വിവേക്‌.