ഐഫോൺ ട്രിക്സ്

ഐഫോണിനെ സൂപ്പറായി മെരുക്കാൻ അറിയേണ്ട ബാക്കി വഴികളിതാ

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

ആദ്യമായി ഐഫോൺ വാങ്ങിയവർക്കു പോലും  കൂട്ടുകാരുടെ മുന്നിൽ  ഷൈൻ ചെയ്യാൻ സഹായിക്കുന്ന ഫീച്ചേഴ്സ് കഴിഞ്ഞ ലക്കത്തിൽ പരിചയപ്പെട്ടില്ലേ. ഐഫോണിനെ കുറിച്ച് അറിയാൻ ഇനിയും പലതുമുണ്ട്. അവയാണ് ഇത്തവണ.

ഇരുട്ടിൽ തപ്പേണ്ട

കറന്റ് പോകുന്ന സമയത്ത് ആശ്വാസമാണ് ഫോണിലെ ഫ്ലാഷ് ലൈറ്റ്. പക്ഷേ, ഇരുട്ടിൽ നിങ്ങളുടെ ഫോൺ എവിടെ ഇരിക്കുന്നു എന്നറിയാൻ ബുദ്ധിമുട്ടിയാലോ? ഐഫോൺ ഉപയോഗിക്കുന്നവർക്ക് ഇങ്ങനെ ഫോൺ ഇരുട്ടിൽ തപ്പേണ്ട കാര്യമില്ല. പകരം സംവിധാനം ഇതിൽ തന്നെയുണ്ട്.

ഐഫോണിൽ "ഹേയ് സിരി' കമാൻഡ് ഓൺ ചെയ്തിടുക. ഇനി ഇരുട്ടു മുറിയിൽ കയറി "ഹേയ് സിരി' എന്നു വിളിച്ചുനോക്കൂ, ഫോണിലെ ഫ്ലാഷ് ലൈറ്റ് മിന്നിത്തുടങ്ങിയിരിക്കും.

ടേപ്പ് വേണ്ട, ഐഫോൺ മതി

നിങ്ങളുടെ സുഹൃത്തിന്റെ ഉയരം എത്രയെന്ന് അറിയണോ? ടേപ്പ് കൊണ്ടുവന്ന് ഭിത്തിയിൽ ചേർത്ത് നിർത്തി ഉയരം അളക്കുന്നതൊക്കെ പഴഞ്ചൻ പരിപാടി ആയിക്കഴിഞ്ഞു.

ഐഫോണിലെ "മെഷർ ആപ്പ് ആണ് പുതിയ രീതിയിൽ അളവെടുക്കാനുള്ള ടെക്നിക്