இசை மருத்துவம்!

'இசைகேட்டால் புவி அசைந்தாடும் என்னும் திரைப்படப்பாடல்தான் எத்தனை பொருள் பொதிந்தது.

- 

இதை மருத்துவ உலகமும் உணர்ந்து பயன் செய்கிறது. இனிய இசை இன்பக் கிளர்ச்சி ஊட்டுவது. கண்ணனின் குழலோசை கேட்டு கோபியர் மட்டுமா மகிழ்ந்தனர், ஆநிரைகள் அசைவற்று கேட்டு மகிழ்ந்தது போல், அசையா இயற்கையும் மகிழ்ந்தது. இசை கேட்கும் பயிர்கள் நல்ல விளைச்சல் நல்கிடவில்லையா? இந்த அரிய உண்மையை உலகுக்கு உணர்த்திப் பெரும் புகழ் பெற்றார் வங்க அறிவியல் மேதை சுபாஷ் போஸ்.

இவ்வாறு இயற்கையை வசப்படுத்தி வளம் சேர்க்கும் இசைக்கு நோயையும் ஓடச் செய்யும் ஆற்றல் உண்டு என்பது ஆய்வின் பயனாய் வெளிவந்த தகவல் ஆகும்.

குறைப்பிரசவம் எனும் 280 நாட்களுக்கு முன்னே உலகை எட்டிப் பார்த்த குழந்தைகள் நலமுடன் வளர்கின்றன என்பது ஆய்வுண்மை. ஆக, அத்தகைய சிறார்களுக்கு இசை அரிய வரப்பிரசாதம்.

தாயின் கருவில் உள்ள குழந்தை நுகரும் ஓர் அமைதியான சூழலை, குறைப்பிரசவத்தில் உதித்துச் சிறிது காலம் இன்குபேட்டர் எனும் கருவியில் வைத்துப் பாதுகாக்கப்பெறும் குழந்தை, இன்குபேட்டர் எழுப்பும் ஒருவித ஒலியால், அதன் உடலில் ஓர் இன்ப அதிர்வு ஏற்படுகிறது.

குழந்தைகள் நன்கு உறங்கவும், மூச்சு விடவும் தோதாக கம்பி இசைக்கருவி இசை யை மெல்ல மீட்டி மென்மையான இன்னிசை யை ஒலிக்கச் செய்கையில் இனிமையான ஒலியைக் கேட்டு சிசு நன்கு உறங்குகிறது.