ஜோகூர் குடிநுழைவு, சோதனைச் சாவடியில் தவறாகக் குத்தப்பட்ட முத்திரை

செப்டம்பர் 3ஆம் தேதி ஜோகூருக்கு காரில் சென்ற சிங்கப்பூரர் ஒருவர், மலேசியாவில் குடிநுழைவுச் சாவடியில் தனது கடப்பிதழில் நுழைவு முத்திரை குத்தப்பட்ட பிறகு, தற்செயலாகக் கடப்பிதழைப் பார்த்தபோது அதில் தவறான தேதி முத்திரையிடப்பட்டதைக் கவனித்தார்.

- 

இச்சம்பவம் பற்றி திரு டேனியல் டான் தனது ஃபேஸ்புக் பக்கத்தில் பதிவிட்டுள்ளார்.

அதில் இதுபோன்ற சம்பவம் நிகழாதிருக்க, மற்றவர்கள் தங்கள் கடப்பிதழைச் சரிபார்க்குமாறு வேண்டுகோள் விடுத்தார்.

தனது கடப்பிதழில் நுழைவுத் தேதி முத்திரையிடப்பட்ட பிறகு, சற்று தள்ளிப்போய் காரை நிறுத்திவிட்டு, தனது கடப்பிதழைப் பார்த்தபோது அதில் செப்டம்பர் 3ஆம் தேதி என்று முத்திரையிடப்படுவதற்குப் பதிலாக ஆகஸ்ட் 3ஆம் தேதி என்று முத்திரையிடப்பட்டிருந்ததைக் கவனித்தார்.

ஜோகூர் குடிநுழைவுச் சாவடியைக் கடக்கும்போது அந்தச் சாவடியின் எண்ணை மனப்பாடம் செய்து வைக்கும் பழக்கமுடையவர் திரு டான்.