இந்திய நகரங்களையும் சிங்கப்பூர் போல் உருவாக்க உழைக்கிறோம்

விஞ்ஞானியும் இந்திய முன்னாள் அதிபர் அப்துல் கலாமின் தனிப்பட்ட செயலாளருமான முனைவர் பொன்ராஜ் வெள்ளைச்சாமி. படம்: பே கார்த்திகேயன்

- 

சிறந்த உள்கட்டமைப்பு, பசுமையான, தூய்மையான சூழல், சிறந்த பொதுச் சேவை ஆகியவற்றுடன் உலகிற்கே சிங்கப்பூர் எடுத்துக்காட்டாக விளங்குகிறது என்று விஞ்ஞானி பொன்ராஜ் புகழாரம் சூட்டியிருக்கிறார்.

"இந்தியாவிலுள்ள ஒவ்வொரு நகரத்தையும் சிங்கப்பூர் போல மாற்ற வேண்டும் எனும் கனவுடன் நாங்கள் உழைத்து வருகிறோம்," என்றார் அவர்.

சிங்கப்பூரில் இசையுடன் கூடிய அபாக்கஸ் திட்டத்தைத் தொடங்கிவைப்பதற்காக வந்திருந்த முனைவர் பொன்ராஜ், முன்னாள் அதிபர் கலாமுடனான பயணம், கல்வி, கொள்கை வகுப்பு, இளையர்கள், மாறிவரும் உலகம் போன்றவை குறித்துத் தமிழ் முரசுடனான நேர்காணலில் பகிர்ந்துகொண்டார்.