சிங்கப்பூரில் கடைத்திருட்டுச் சம்பவங்கள் ஆக அதிகம்

இவ்வாண்டின் முதல் ஆறு மாதங்களில் குற்றச்செயல்கள் 5.4% கூடின

- 

சிங்கப்பூரில் கடைத்திருட்டுச் சம்பவங்களின் எண்ணிக்கை மிகவும் கூடியிருக்கிறது. இவ்வாண்டின் முற்பாதியில் அத்தகைய 2,097 சம்பவங்கள் பதிவாயின.

சென்ற ஆண்டுடன் ஒப்பிடுகையில் அது 4.2 விழுக்காடு அதிகம். அப்போது 2,013 கடைத்திருட்டுச் சம்பவங்கள் நடந்தன. சிங்கப்பூர்க் காவல்துறை நேற்று (ஆகஸ்ட் 26) வெளியிட்ட அறிக்கையில் அந்தத் தகவல்கள் இடம்பெற்றுள்ளன.

இவ்வாண்டின் முதல் ஆறு மாதங்களில் குற்றச்செயல்களின் எண்ணிக்கை 5.4 விழுக்காடு கூடுதலாகி 10,341ஆக இருந்தது. சென்ற ஆண்டின் முற்பாதியில் அந்த எண்ணிக்கை 9,809ஆக இருந்தது.

ஒட்டுமொத்தக் குற்றச்செயல்களின் எண்ணிக்கையில் கடைத்திருட்டுகளின் பங்கு 20.3 விழுக்காடு. இளையர்கள் புரியும் குற்றங்களில் தொடர்ந்து அது முன்னிலையில் உள்ளது.