புதைகுழியிலிருந்து பெண்ணைக் காப்பாற்றிய வெளிநாட்டு ஊழியர்களுக்கு $70,000 வெகுமதி

தஞ்சோங் காத்தோங் சாலைப் புதைகுழியில் காருடன் விழுந்த பெண்ணைக் காப்பாற்றிய வெளிநாட்டு ஊழியர்கள் எழுவருக்கு $70,805.05 மதிப்பிலான மாதிரிக் காசோலையை ஆகஸ்ட் 10ஆம் தேதி, 'இட்ஸ்ரெய்னிங்ரெய்ன்கோட்ஸ்' அறநிறுவனம் வழங்கியது.

- ரவி சிங்காரம்

அந்தப் பணம் எழுவருக்கும் இடையே சரிசமமாகப் பிரிக்கப் பட்டு ($10,115.01) ஏற்கெனவே அவரவர் வங்கிக் கணக்குகளுக்கு அனுப்பப்பட்டுவிட்டது. அவர்கள் இந்தியாவிலுள்ள தம் குடும்பத்தினருக்கு அப்பணத்தை அனுப்பிவிட்டதாகக் கூறினர்.

“பொதுமக்கள் பலரும் இந்த நாயகர்களுக்கு நிதி திரட்டும்படி எங்களைக் கேட்டுக்கொண்டனர். அதன்படி மேற்கொள்ளப்பட்ட நிதிதிரட்டில் பொதுமக்களின் நன்கொடைகள் மூலம் 43 மணிநேரத்தில் இந்தத் தொகையைத் திரட்டினோம்,” என்றார் ‘இட்ஸ்ரெய்னிங்ரெய்ன்கோட்ஸ்' நிறுவனர் தீபா ஸ்வாமிநாதன்.