சர்வதேச விவகாரங்களில் நீதி காக்கும் SCO அமைப்பு

கஸ்ட் 31 முதல் செப்டெம்பர் 1 வரை, சீனா தியான்ஜினில் நடைபெறவுள்ள ஷாங்காய் ஒத்துழைப்பு அமைப்பின் (SCO) உச்சி மாநாடு உலகளாவிய கவனத்தை ஈர்க்கவுள்ளதாக இலங்கைக்கான சீன தூதுவர் கி ஸென் ஹொங் தெரிவித்தார்.

- சிவபிரகாசம் ரேனுகா

ஷாங்காய் ஒத்துழைப்பு அமைப்பின் (SCO) பிரகாசமான எதிர்காலத்தை ஆராய்வதற்கான ஊடக கரந்துரையாடல் ஒன்று சீன தூதரகத்தில் வியாழக்கிழமை (07) அன்று நடைபெற்ற போதே அவர் இவ்வாறு தெரிவித்துள்ளார்.

மேலும், ஒகஸ்ட் 31 முதல் செப்டெம்பர் 1 வரை நடைபெறவுள்ள உச்சி மாநாட்டில் ரஷ்யா, இந்தியா உள்ளிட்ட 20க்கும் மேற்பட்ட நாடுகளின் தலைவர்கள், மற்றும் 10 சர்வதேச அமைப்புகளின் தலைவர்கள் கலந்து கொள்ளவுள்ளனர்.

கடந்த 24 ஆண்டுகளுக்கு முன்பு, சமாதானம் மற்றும் வளர்ச்சி நோக்கி உலகப் போக்கையும், பிராந்திய மக்களின் நிலைத் தன்மை, வளம் மற்றும் ஆழமான பரிமாற்றம், ஒத்துழைப்பிற்கான ஆவலையும் கருத்தில் கொண்டு, சீனா, ரஷ்யா மற்றும் மேலும் நான்கு நாடுகள் இணைந்து ஷாங்காய் ஒத்துழைப்பு அமைப்பை உருவாக்கும் என்ற வரலாற்று முடிவை எடுத்தன. 2009இல் இலங்கை உரையாடல் கூட்டாளராக இணைந்தது. இன்று SCOவில் சீனா, ரஷ்யா, இந்தியா உள்ளிட்ட 10 உறுப்பு நாடுகள், 2 பார்வையாளர் நாடுகள், 14 உரையாடல் கூட்டாளர்கள் உள்ளனர்.

இவை உலக மக்கள் தொகையில் கிட்டத்தட்ட பாதியையும், யூரேஷிய கண்டத்தின் 60% பரப்பையும் உள்ளடக்கியவை. 2024ஆம் ஆண்டில், சீனா மற்றும் SCO உறுப்பு நாடுகள், பார்வையாளர் நாடுகள் மற்றும் உரையாடல் கூட்டாளர்கள் இடையிலான வர்த்தகம் 890 பில்லியன் அமெரிக்க டொலர் எனும் சாதனை அளவை எட்டியது. இது SCO அமைப்பின் வலுவான உயிர்ப்பு சக்தியையும், பிரகாசமான எதிர்காலத்தையும் வெளிப்படுத்துகிறது.