జవహర్ బాబుపై దాడి... రాష్ట్ర యంత్రాంగంపై దాడిగా భావిస్తాం

• అహంకారం, ఆధిపత్య ధోరణితో అధికారులపై వైసీపీ నాయకులు దాడులు చేస్తున్నారు • 11 సీట్లకు పరిమితం చేసినా ఆ పార్టీ నాయకులకు బుద్ధి రాలేదు

- 

• అధికారుల ఆత్మస్థైర్యం దెబ్బ తీసేలా ప్రవర్తిస్తే కఠినంగా ఉంటాం

• రాయలసీమ యువతలో ఎలాంటి దాష్టికాలను అయినా ఎదిరించే ధైర్యం రావాలి

• జవహర్ బాబు కుటుంబానికి అండగా ఉంటాం

• వైసీపీ నాయకుడు సుదర్శన్ రెడ్డి దాడిలో గాయపడి కడప రిమ్స్ ఆసుపత్రిలో చికిత్స పొందుతున్న గాలివీడు

• ఎంపీడీవోను పరామర్శించి, మీడియాతో మాట్లాడిన ఉప ముఖ్యమంత్రి పవన్ కళ్యాణ్

ఏపీ స్టేట్ బ్యూరో, సూర్య ప్రధాన ప్రతినిధి : 'అహంకారం నడి నెత్తికి ఎక్కిన వైసీపీ నాయకులు అధికారులపై దాడులు చేస్తున్నారు. వీళ్లను ప్రశ్నిస్తే ఎవరైనా ఒకటే.. వీరి ఆధిపత్యం ఒప్పుకోకపోతే ఎవరి మీదనైనా దాడులకు దిగే స్వభావం చూపిస్తార'ని ఉప ముఖ్యమంత్రివర్యులు, రాష్ట్ర పంచాయతీరాజ్, గ్రామీణాభివౄ ఎద్ధి శాఖల మంత్రి పవన్ కళ్యాణ్ అన్నారు. తమను ప్రశ్నించే వాళ్లను, ఎదురు చెప్పే వాళ్లను వైసీపీ నాయకులు దాడి చేసి భయపెట్టడం నైజంగా మార్చుకున్నారని చెప్పారు. ఇలాంటి వారి అహంకారం దించుతాం.. తోలు తీసి కింద కూర్చోబెడతామని హెచ్చరించారు. అన్నమయ్య జిల్లా గాలివీడు మండల ఎంపీడీవో జవహర్ బాబు పై వైసీపీ నాయకుడు సుదర్శన్ రెడ్డి చేసిన దాడి అధికార యంత్రాంగం మొత్తం మీద చేసిన దాడిగా భావిస్తున్నామని స్పష్టం చేశారు.