ત્રણ સિસ્ટમના જોરથી ભાદરવો ભરપૂર: આજે ૧૪ જિલ્લામાં વરસાદની આગાહી

અમદાવાદમાં વહેલી સવારે ગાઢ અંધકાર સાથે કેટલાક વિસ્તારોમાં ઝાપટાં પડ્યાં: હજુ ચાર દિવસ વરસાદી માહોલ યથાવત્ રહેશે

- 

ભાદરવા મહિનાના પ્રારંભ સાથે આક્રમક બનેલા મેઘરાજા ધીમા પડવાનું નામ લેતા નથી. હાલ રાજ્ય પર લો પ્રેશર, સાઇક્લોનિક સર્ક્યુલેશન અને મોન્સૂન ટ્રફ- એમ ત્રણ સિસ્ટમ સક્રિય થઈ છે અને આ ત્રણ સિસ્ટમના જોરથી ભાદરવો ભરપૂર બન્યો છે. હવામાન વિભાગ દ્વારા આજે અમદાવાદ સહિત ૧૪ જિલ્લામાં મધ્યમથી ભારે વરસાદ પડવાનું યલો એલર્ટ જારી કરવામાં આવ્યું છે. અમદાવાદ શહેરમાં આજે વહેલી સવારથી જ ગાઢ અંધકાર છવાઈ ગયો હતો અને કેટલાક વિસ્તારોમાં ઝાપટાં પણ પડ્યાં હતાં. સ્થાનિક હવામાન વિભાગે જણાવ્યું છે કે આગામી ચાર દિવસ સુધી અમદાવાદમાં આ પ્રકારનો વરસાદી માહોલ યથાવત્ રહેવાની શક્યતા છે.