મેઘરાજા વીકએન્ડનો વાર જારી રાખશે: આજે ૧૬ જિલ્લામાં વરસાદની આગાહી

અમદાવાદમાં આજે વહેલી સવારે પણ વરસાદી ઝાપટાં યથાવત્, સિસ્ટમ વધુ મજબૂત બતશે તો વરસાદનું જોર વધે તેવી શક્યતાઃ હવામાન વિભાગ

- 

રાજ્યમાં ગત ૧૬ જૂનથી વિધિવત્ શરૂ થયેલા ચોમાસામાં વરસાદની એક અનોખી પેટર્ન સામે આવી છે. વરસાદી માહોલ હોય ત્યારે ખાસ કરીને વીકએન્ડમાં એટલે કે શનિ-રવિની રજાઓમાં મેઘરાજા તોફાની બેટિંગ કરતા હોય છે. હવામાન વિભાગે આજે સવારે જારી કરેલી લેટેસ્ટ આગાહીમાં જણાવ્યું છે કે આજથી શરૂ થયેલા વીકએન્ડમાં પણ મેઘરાજા તેમનો વાર જારી રાખશે. હવામાન વિભાગે આગામી ૪ સપ્ટેમ્બર સુધી રાજ્યમાં વરસાદી માહોલ યથાવત્ રહેવાની આગાહી કરી છે. હાલ રાજ્યમાં બે વરસાદી સિસ્ટમ સક્રિય હોવાના કારણે દક્ષિણ અને મધ્ય ગુજરાતમાં ધોધમાર વરસાદ વરસવાની શક્યતા છે.