મોબાઈલ નંબર બદલો તો પરિવહન પોર્ટલ પર અપડેટ જરૂરથી કરાવજો

નંબર અપડેટ નહીં હોય તો વાહન ફિટનેસ, પરમિટ કે ટ્રાન્સફર પ્રક્રિયા અટકી પડશે

- 

કોઈ પણ નાગરિક જયારે પોતાનો મોબાઈલ નંબર બદલે ત્યારે તેનો બદલાયેલો નંબર તેને બેન્ક કે આરટીઓ સહિત અનેક વિભાગમાં નોંધાવવો જરૂરી છે. લોકો આ બાબતને ગંભીરતાથી લેતા નથી, પરિણામે તેમનાં કેટલાક કામ અટકી પડે છે અને પછી દોડાદોડ કરવી પડે છે. આરટીઓ દ્વારા વાહનમાલિકોને મેસેજ દ્વારા જાણ કરવામાં આવી રહી છે કે બધા માલિકોએ વાહન સાથે લિંક કરેલા મોબાઇલ નંબરને તાત્કાલિક અપડેટ કરવો જોઈએ અને આધાર પ્રમાણીકરણ દ્વારા પરિવહન પોર્ટલ (parivahan.gov.in) પર તેની પુષ્ટિ કરવી જોઈએ. આરટીઓએ સ્પષ્ટતા કરી છે કે આ મેસેજ કાયદેસર છે, જે માર્ગ પરિવહન અને હાઇવે મંત્રાલયનો છે.