એકના ડબલની લાલચ: ભેજાબાજ ભાઈ-બહેને સાથે મળી માણેકચોકના વેપારીને છેતરી લીધા

વેપારી સાથે ૨૫ લાખના છ મહિનામાં ડબલ આપવાની લાલચ આપી ચીટિંગ આચર્યું: શાતિર યુવતી વિરુદ્ધ બીજી ફરિયાદ નોંધાઈ

- 

પોતાની વાતોની માયાજાળમાં ફસાવીને પરિચીત લોકો પાસેથી લાખો રૂપિયા ખંખેરી લેતાં ભાઇ- બહેનની ખોરી નિયતનો પર્દાફાશ વેજલપુર પોલીસે કર્યો છે. માણેકચોકમાં સોના- ચાંદીના દાગીના બનાવવાની ડિઝાઇનનો ધંધો કરતા વેપારીને ચાંદખેડાની એક શાતિર યુવતી જિગીષા જાદવે એકના ડબલ કરવાની લાલચ આપીને છેતરી લીધા છે. ૨૫ લાખના છ મહિનામાં ડબલ આપવાનું કહીને જિગીષાએ પોતાના ભાઇ નિમેષ જાદવ સાથે મળીને ચીટિંગ આચર્યું છે.

વેજલપુર વિસ્તારમાં આવેલી જલતંરગ સોસાયટીમાં રહેતા કમલેશ ઉર્ફે કમલ જાદવે વેજલપુર પોલીસ સ્ટેશનમાં જિગીષા લક્ષ્મણભાઇ જાદવ, નિમેષ જાદવ (બંને રહે. સરસ્વતી સોસાયટી, ચાંદખેડા) અને કિરણ પરમાર વિરુદ્ધ છેતરપિંડીની ફરિયાદ કરી છે. કમલેશ માણેકચોકમાં સોનાં ચાંદીના દાગીના બનાવવાની ડિઝાઇન બનાવવાની કામગીરી ૨ કરે છે. કમલેશને છ મહિનામાં એકના ડબલ આપવાની લાલચ આપીને જિગીષા અને નિમેષે ં લાખો રૂપિયા હડપ કરી લીધા દ છે. ચાંદખેડામાં રહેતી જિગીષા અને તેના ભાઇ નિમેષ સહિત ત્રણ લોકો વિરુદ્ધ કમલેશે વેજલપુર પોલીસ સ્ટેશનમાં ફરિયાદ કરી છે પોલીસે ગુનો નોંધીને તપાસ શરૂ કરી છે.