ઓગસ્ટ મહિનામાં મેહુલિયો અમદાવાદીઓ પર વરસાદરૂપી વહાલ ખાસ વરસાવતો નથી

અમદાવાદ શહેરમાં ૧૦ ઓગસ્ટ, ૨૦૧૯ના રોજ પડેલો ચાર ઈચ વરસાદનો રેકોર્ડ છેલ્લાં ૧૦ વર્ષથી યથાવત્

- 

અમદાવાદ સહિત રાજ્યભરમાં સામાન્ય રીતે અષાઢી મેઘ ભારે વરસાદ લાવનારો સાબિત થતો હોય છે એટલે કે અષાઢ કહો કે પછી જુલાઈ ગણો પણ આ મહિનામાં મેઘરાજા પરંપરાગત રીતે તોફાની બેટિંગ કરતા આવ્યા છે. અષાઢ બાદ આવતા દેવાધિદેવ મહાદેવની આરાધના માટે શ્રેષ્ઠ એવા પવિત્ર શ્રાવણ માસમાં મેહુલિયો ખાસ વરસાદરૂપી વહાલ વરસાવતો નથી. આ વખતે ગત ૨૫ જુલાઈ, શુક્રવારથી પવિત્ર શ્રાવણ માસનો પ્રારંભ થઈ ગયો છે. મહદ્અંશે ઓગસ્ટમાં શ્રાવણ માસ શરૂ થતો હોય છે. હવે જો છેલ્લાં ૧૦ વર્ષના અમદાવાદમાં પડેલા વરસાદના રેકોર્ડની વાત તપાસીએ તો એવું ચોક્કસ કહી શકાશે કે ઓગસ્ટમાં મેઘરાજા અમદાવાદીઓ પર ખાસ રીઝાયા