கீழ்ப்பாக்கம் அரசு மருத்துவமனையில் நடந்த ரவுடி கொலை வழக்கில் காதலி உள்பட 8 பேர் கைது!

கவனக்குறைவாக இருந்ததாக 4 போலீசார் சஸ்பெண்ட்; | 2 அதிகாரிகளுக்கு விளக்கம் கேட்டு நோட்டீஸ் !!

- 

சென்னை கீழ்ப்பாக்கம் அரசு மருத்துவமனை வளாகத்திற்குள் புகுந்த மர்ம கும்பல், பிரபல ரவுடியை சரமாரியாக வெட்டிப் படுகொலை செய்த சம்பவம் பெரும் பரபரப்பை ஏற்படுத்தியுள்ளது. பழிக்குப் பழியாக நடந்த இந்த கொடூர சம்பவத்தில், ரவுடியின் கள்ளக்காதலி உட்பட 8 பேரை தனிப்படை போலீசார் கைது செய்துள்ளனர்.

இதனிடையே, மருத்துவமனை வளாகத்தில் பாதுகாப்புப் பணியில் அலட்சியமாக இருந்ததாகக் கூறி 3 பெண் காவலர் உட்பட 4 காவலர்களைப் பணியிடை நீக்கம் செய்து காவல் ஆணையர் உத்தரவிட்டுள்ளார். மேலும், உதவி ஆணையர் மற்றும் ஆய்வாளருக்கு விளக்கம் கேட்டு “மெமோ” வழங்கப்பட்டுள்ளது.

இச்சம்பவம் குறித்து போலீஸ் தரப்பில் கூறப்படுவதாவது: சென்னை கொளத்தூர், மகாத்மா காந்தி நகரைச் சேர்ந்தவர் ஆதி என்ற ஆதிகேசவன் (வயது 23). இவர் மீது கொலை, கொலை முயற்சி, மிரட்டல் உள்ளிட்ட 9 வழக்குகள் உள்ளன. ராஜமங்கலம் காவல்நிலைய சரித்திரப்பதிவேடு குற்றவாளியான இவர், 'பி' வகை ரவுடியாகக் கண்காணிக்கப்பட்டு வந்தார்.