சி.பி.ஐ. விசாரணையை வரவேற்கிறோம்: 41 பேரின் குடும்பத்தினரை விஜய் தத்தெடுக்கிறார்!

ஆதவ் அர்ஜூனா பேட்டி!!

- 

கரூர் கூட்ட நெரிசலில் சிக்கி உயிரிழந்த 41 பேரின் குடும்பத்தினரை விஜய் தத்தெடுக்க உள்ளார். மேலும் இச்சம்பவம் தொடர்பாக உச்ச நீதிமன்றம் பரிந்துரை செய்த சி.பி.ஐ. விசாரணையை வரவேற்கிறோம் என த.வெ.க. தேர்தல் பிரசார மேலாண்மை பொதுச் செயலாளர் ஆதவ் அர்ஜூனா தெரிவித்தார்.

கரூரில் விஜய் பிரசாரக் கூட்டத்தில் ஏற்பட்ட நெரிசலில் சிக்கி 41 பேர் உயிரிழந்தனர். இது குறித்து விசாரணை நடத்த சென்னை உயர்நீதிமன்றம், ஐ.பி.எஸ். அதிகாரி அஸ்ரா கார்க் தலைமையில் சிறப்பு விசாரணைக் குழு அமைத்தது.

இதற்கு எதிர்ப்பு தெரிவித்து த.வெ.க. தரப்பில் உச்ச நீதிமன்றத்தில் வழக்குத் தொடரப்பட்டது. இந்த வழக்கில் இன்று தீர்ப்பளிக்கப்பட்டது. அதில் சி.பி.ஐ. விசாரணை நடத்த உத்தரவிடப்பட்டுள்ளது. மேலும் ஓய்வு பெற்ற உச்ச நீதிமன்ற நீதிபதி தலைமையில் சிறப்பு விசாரணைக் குழு அமைக்கப்பட்டுள்ளது.

இந்நிலையில் த.வெ.க. தேர்தல் பிரசார மேலாண்மை பொதுச் செயலாளர் ஆதவ் அர்ஜூனா டெல்லியில் இன்று நிருபர்களுக்கு பேட்டி அளித்தார். அப்போது அவர் கூறியதாவது:

கரூரில் காவல் துறை கூறிய இடத்தில்தான் விஜய் பிரசாரம் செய்தார். அங்கு சென்ற எங்களை காவல் துறையினர் தான் வரவேற்றனர். வேறு எங்கும் வரவேற்காத நிலையில் கரூரில் மட்டும் காவல் துறை எங்களை வரவேற்றது ஏன்? கரூர் கூட்டத்துக்கு விஜய் தாமதமாக வந்தார் என்பது அபாண்டமான குற்றச்சாட்டு.