Liandri dra Miss Teen Grand-kroon

Die sestienjarige Liandri Lamprecht het die modewêreld se aandag getrek toe sy op 30 November in Peru as Miss Teen Grand gekroon is.

- Michelle Pienaar

Na 'n warrelwindervaring is Liandri en haar ma, Lydia Lamprecht, terug in George. Hulle het Sondag 7 November in die Tuinroete geland. Liandri se avontuur het op 22 November begin, toe sy na Johannesburg vertrek het vir die amptelike fotosessies vir World South African Pageants. Net voor middernag op 23 November het sy saam met KLM, die hoofborg, na Peru gevlieg. Eers was daar 'n vinnige stop in Amsterdam, toe 'n aand in Lima, en uiteindelik is sy na Chiclayo vir die kompetisie wat van 27 tot 30 November plaasgevind het.