Solidariteit Helpende Hand George is tak van die jaar

Die George-tak van Solidariteit Helpende Hand is tydens die afgelope Wes-Kaapstreekvergadering in die Paarl aangewys as tak van die jaar.

- 

Die tak, onder die bekwame leiding van Tracey Weideman as voorsitter, was vanjaar vanuit die staanspoor gemotiveerd om 'n verskil te maak. Dit het vrugte afgewerp, want nie net is hulle as tak vereer nie, maar hulle Kerrie en Kuier-projek ten bate van die George-studiefonds is ook aangewys as projek van die jaar.

"Ons is vrywilligers wat toegewy is aan ons roeping en altyd bereid is om te dien deur die ekstra myl te stap."