'Beleggingsopsies in SA skraal en hoërisiko'

Jannie Durand, uitvoerende hoof van Remgro, het by 'n sakeontbyt verlede week in George gesê die groep het R16 miljard beskikbaar om te belê, maar daar is nie beleggingsgeleenthede in Suid-Afrika nie, buiten in infrastruktuur.

- Alida de Beer

Durand was verlede Donderdag, 23 Oktober, die gasspreker by die jaarlikse Selzer Developing Consultants-sakeontbyt wat by Hawthorn Boutique Hotel gehou is. Hy het onder andere gesels oor die herstrukturering van Remgro se portefeulje sedert 2019 wat die maatskappy nou in 'n gunstige posisie geplaas het met goeie vooruitsigte.

Met verwysing na Suid-Afrika se power ekonomiese groei het hy gesê die risikopremie verbonde aan belegging in die land het 'n groot impak. 'n Belegger moet 6 tot 7% groter opbrengste maak om vir hierdie risiko te vergoed.