சிவகாசி அருகே பட்டாசு ஆலையில் வெடி விபத்து

சிவகாசி, மே 25: விருதுநகர் மாவட்டம், சிவகாசி அருகே ஞாயிற்றுக்கிழமை பட்டாசு ஆலையில் நிகழ்ந்த வெடி விபத்தில், பட்டாசுகள் தயாரிக்கும் அறை தரைமட்டமானது. விடுமுறை தினம் என்பதால், உயிர்ச்சேதம் தவிர்க்கப்பட்டது.

- 

சிவகாசி அருகேயுள்ள அம்மாபட்டியில் தங்கப்பாண்டி என்பவருக்குச் சொந்தமான பட்டாசு ஆலை உள்ளது. சென்னை வெடிபொருள் கட்டுப்பாட்டுத் துறையின் அனுமதி பெற்று செயல்பட்டு வரும் இந்த ஆலையில், மருந்துக் கலவை அறை, பட்டாசுகள் தயாரிக்கும் அறை உள்ளிட்ட 30 அறைகள் உள்ளன.