திருச்செந்தூர் கோயிலில் மார்ச் 3-இல் மாசித் திருவிழா கொடியேற்றம்

திருச்செந்தூர் அருள்மிகு சுப்பிரமணிய சுவாமி கோயிலில், புகழ்பெற்ற மாசித் திருவிழா திங்கள்கிழமை (மார்ச் 3) கொடியேற்றத்துடன் தொடங்குகிறது.

- 

திருச்செந்தூர், பிப். 25: திருச்செந்தூர் அருள்மிகு சுப்பிரமணிய சுவாமி கோயிலில், புகழ்பெற்ற மாசித் திருவிழா திங்கள்கிழமை (மார்ச் 3) கொடியேற்றத்துடன் தொடங்குகிறது.

இதையொட்டி, ஞாயிற்றுக்கிழமை (மார்ச் 2) மாலை 4.30 மணிக்கு வடக்கு ரத வீதி, 14 ஊர் செங்குந்தர் 12ஆம் திருவிழா மண்டகப்படியில் கொடிப்பட்ட வீதி யுலா நடைபெறுகிறது.

தொடர்ந்து, திங்கள்கிழமை அதிகாலை 1 மணிக்கு கோயில் நடை திறக்கப்பட்டு, 1.30 மணிக்கு விஸ்வரூபம், 2 மணிக்கு உதயமார்த்தாண்ட அபிஷேகமாகி, 5 மணிக்கு கோயில் செப்புக் கொடிமரத்தில் கொடியேற்றம் நடைபெறுகிறது.