அமெரிக்கா மீது 75% வரி விதிக்க மோடிக்கு துணிவு உண்டா?; அரவிந்த் கேஜரிவால்

"இந்தியா மீது 50 சதவீத வரி விதித்த அமெரிக்கா மீது பதிலடியாக 75 சதவீதம் வரி விதிக்கும் துணிவு பிரதமர் நரேந்திர மோடிக்கு உண்டா?" என்று ஆம் ஆத்மி தேசிய அமைப்பாளர் அரவிந்த் கேஜரிவால் கேள்வி எழுப்பினார்.

- 

ராஜ்கோட், செப். 7:

குஜராத்துக்குப் பயணம் மேற்கொண்டுள்ள அவர் ராஜ்கோட்டில் ஞாயிற்றுக்கிழமை செய்தியாளர்களிடம் கூறியதாவது:

அமெரிக்காவில் இருந்து இறக்குமதி செய்யப்படும் பருத்திக்கு விதிக்கப்பட்டு வந்த 11 சதவீத வரி விலக்கை இந்த ஆண்டு இறுதிவரை மத்திய அரசு நீட்டித்துள்ளது. இது உள்நாட்டு பருத்தி விவசாயிகளை கடுமையாக பாதிக்கும். மத்திய அரசின் செயல் அமெரிக்க விவசாயிகளைப் பணக்காரர்களாக்கும், இந்திய விவசாயிகளை ஏழ்மையில் தள்ளும்.