ராமேசுவரம் மீனவர்கள் 4 பேர் விடுதலை

ராமேசுவரம் மீனவர்கள் 4 பேரை நிபந்தனையுடன் விடுதலை செய்தும், படகு ஓட்டுநர்கள் இருவருக்கு 6 மாதங்கள் சிறைத் தண்டனையுடன் தலா ரூ. 40 லட்சம் (இலங்கைப் பணம்) அபராதம் விதித்தும் இலங்கை ஊர்க்காவல்துறை நீதிமன்றம் புதன்கிழமை உத்தரவிட்டது.

- 

ராமேசுவரம், மார்ச் 19:

ராமநாதபுரம் மாவட்டம், ராமேசுவரத்திலிருந்து கடந்த மாதம் 20-ஆம் தேதி மீனவர்கள் விசைப் படகுகளில் கடலுக்குள் மீன்பிடிக்கச் சென்றனர். இவர்கள் அன்று நள்ளிரவு நெடுந்தீவு அருகே மீன்பிடித்துக் கொண்டிருந்த போது, அங்கு ரோந்துப் படகுகளில் வந்த இலங்கைக் கடற்படையினர் முனியேந்திரன், சூசை வியாகுலம், ஆல்ட்ரின் ஆகியோருக்குச் சொந்தமான 3 விசைப் படகுகளைப் பறிமுதல் செய்தனர். மேலும், படகுகளில் இருந்த 10 மீனவர்களைக் கைது செய்தனர்.