கொலை வழக்கில் ஜாமீன் ரத்து: நடிகர் தர்ஷன் கைது

கொலை வழக்கில் கர்நாடக உயர்நீதிமன்றம் அளித்திருந்த ஜாமீனை ரத்து செய்து உச்ச நீதிமன்றம் வியாழக்கிழமை உத்தரவிட்டதைத் தொடர்ந்து, நடிகர் தர்ஷன், நடிகை பவித்ரா உள்ளிட்டோர் கைது செய்யப்பட்டு சிறையில் அடைக்கப்பட்டனர்.

- 

பெங்களூரு, ஆக. 14: கொலை வழக்கில் கர்நாடக உயர்நீதிமன்றம் அளித்திருந்த ஜாமீனை ரத்து செய்து உச்ச நீதிமன்றம் வியாழக்கிழமை உத்தரவிட்டதைத் தொடர்ந்து, நடிகர் தர்ஷன், நடிகை பவித்ரா உள்ளிட்டோர் கைது செய்யப்பட்டு சிறையில் அடைக்கப்பட்டனர்.

ரேணுகாசாமி கொலை வழக்கில் 2024 ஜூன் 11-ஆம் தேதி தனது தோழி பவித்ரா கெளடா உள்ளிட்ட 15 பேருடன் கைதாகி கன்னட நடிகர் தர்ஷன் சிறையில் அடைக்கப்பட்டார். இந்த வழக்கில் குற்றப்பத்திரிகையும் தாக்கல் செய்யப்பட்டது. தொடக்கத்தில் பெங்களூரு சிறையில் அடைக்கப்பட்டிருந்த நடிகர் தர்ஷன், பின்னர் பெல்லாரி சிறைக்கு மாற்றப்பட்டார்.

சிறையில் சரியான உணவு, முறையான உடற்பயிற்சி இல்லாததால் முதுகுவலியால் அவதிப்பட்ட தர்ஷன், மருத்துவ சிகிச்சை பெற ஜாமீன் கேட்டு கர்நாடக உயர்நீதிமன்றத்தில் மனு தாக்கல் செய்தார்.