அரசுப் பள்ளிகளில் இதுவரை 3.37 லட்சம் மாணவர்கள் சேர்க்கை

காலக்கெடு நிர்ணயிக்க ஆசிரியர்கள் வலியுறுத்தல்

- 

தமிழகத்தில் அரசு, அரசு உதவி பெறும் பள்ளிகளில் இதுவரை 3,37,469 மாணவர்கள் சேர்க்கப்பட்டுள்ளதாக பள்ளிக் கல்வித் துறை தெரிவித்துள்ளது. அதேவேளையில், மாணவர் சேர்க்கைக்கு குறிப்பிட்ட காலக்கெடுவை நிர்ணயிக்க வேண்டும் என தலைமை ஆசிரியர்கள், ஆசிரியர்கள் வலியுறுத்தியுள்ளனர்.

தமிழகத்தில் 37,595 அரசு பள்ளிகள் மற்றும் 7,289 அரசு உதவி பெறும் பள்ளிகள் செயல்பட்டு வருகின்றன. இந்தப் பள்ளிகளில் 55 லட்சத்துக்கும் மேற்பட்ட மாணவ, மாணவிகள் படித்து வருகின்றனர். அரசு பள்ளிகளில் மாணவர் சேர்க்கையை அதிகரிக்கும் வகையில் கடந்த 2024-ஆம் ஆண்டு முதல் மாணவர் சேர்க்கை முன்கூட்டியே அதாவது மார்ச் மாதமே தொடங்கப்பட்டு வருகிறது.