சென்னை மாநகராட்சியில் ஒப்பந்த மருத்துவர்கள் செவிலியர்கள் திடீர் உள்ளிருப்புப் போராட்டம்

சென்னை மாநகராட்சி ஆரம்ப சுகாதார நல மையங்களில் ஒப்பந்த அடிப்படையில் பணியாற்றிவரும் மருத்துவர்கள், செவிலியர்கள், பரிசோதனை ஊழியர்கள் ரிப்பன் கட்டட வளாகத்துக்குள் அமர்ந்து வியாழக்கிழமை போராட்டத்தில் ஈடுபட்டனர்.

- 

கடந்த 2025 டிசம்பர் முதல் கைப்பேசி வழி வருகைப் பதிவு முறை செயல்பாட்டில் இருக்கும் நிலையில், கடந்த மாதத்துக்கான வருகைப் பதிவு அடிப்படையில் ஊதியம் வழங்கப்பட்டுள்ளது. அதன்படி ஒப்பந்த மருத்துவர், செவிலியர் உள்ளிட்டோருக்கு பாதியளவு ஊதியமே வழங்கப்பட்டதாகக் கூறப்படுகிறது. வருகைப் பதிவு தாமதத்தால் கைப்பேசி செயலியில் பணிக்கு வந்தவர்களும் வரவில்லை என பதிவிடப்பட்டதால் ஊதியம் குறைந்ததாகத் தெரிகிறது.