ஆந்திரம்: பேருந்து தீ விபத்தில் 20 பயணிகள் கருகி உயிரிழப்பு

ஆந்திர மாநிலம், கர்னூல் அருகே ஹைதராபாத்தில் இருந்து பெங்களூரு நோக்கி சென்று கொண்டிருந்த தனியார் பேருந்து, மோட்டார் சைக்கிள் மீது வெள்ளிக்கிழமை அதிகாலை மோதி தீப்பிடித்து எரிந்ததில் 2 குழந்தைகள் உள்பட 20 பேர் உடல் கருகி உயிரிழந்தனர். உயிரிழந்தவர்கள் தெலங்கானா, ஆந்திரம், தமிழகம் உள்பட பல்வேறு மாநிலங்களைச் சேர்ந்தவர்களாவர்.

- 

நெஞ்சை உலுக்கும் இச்சம்பவம் குறித்து போலீஸ் அதிகாரிகள் கூறியதாவது:

ஆந்திர மாநிலம், கர்னூல் அருகே சின்னதேகூர் பகுதியில் வெள்ளிக்கிழமை அதிகாலை 3 மணியளவில் சென்றபோது, மோட்டார் சைக்கிள் மீது பேருந்து மோதியது.

இதில் பேருந்தின் அடியில் சிக்கிக் கொண்ட மோட்டார் சைக்கிள், சிறிதுதூரம் இழுத்துச் செல்லப்பட்டது. மோட்டார் சைக்கிளில் இருந்து பெட்ரோல் வெளியேறி தீப் பற்றியது. பேருந்தில் மளமளவென தீ பரவி, கொழுந்து விட்டு எரிந்து, அடர்புகையும் சூழ்ந்தது.