நாட்டிலேயே முதல்முறையாக தமிழகத்தில் இணையவழியில் பயிர்க்கடன்

முதல்வர் மு.க.ஸ்டாலின் தொடங்கி வைத்தார்

- 

தருமபுரி, ஆக. 17: நாட்டிலேயே முதல்முறையாக தமிழகத்தில் இணையவழியில் விவசாயிகளுக்கு பயிர்க்கடன் வழங்கும் திட்டத்தை தருமபுரியில் முதல்வர் மு.க. ஸ்டாலின் தொடங்கி வைத்தார்.

தருமபுரியில் ஞாயிற்றுக்கிழமை நடைபெற்ற அரசு விழாவில், ரூ. 512.52 கோடியில் 1,044 புதிய திட்டப்பணிகளுக்கு அடிக்கல் நாட்டியும், ரூ. 362.77 கோடியில் 1,073 முடிவுற்ற பணிகளைத் திறந்துவைத்தும், ரூ. 830.06 கோடியில் 70,427 பேருக்கு நலத்திட்ட உதவிகளை வழங்கியும் அவர் பேசியதாவது:

நாட்டிலேயே முதல்முறையாக ஒரு முக்கியமான திட்டத்தை வேளாண் மக்களுக்காக தொடங்கிவைத்துள்ளேன். விவசாயிகள் பயிர்க்கடன் பெறுவதற்காக, தொடர்புடைய தொடக்க வேளாண்மைக் கூட்டுறவுக் கடன் சங்கங்களுக்கு நேரடியாகச் சென்று விண்ணப்பித்து, கடனைப் பெற ஒருவாரம் வரை காத்திருக்கும் நடைமுறைதான் இப்போது உள்ளது.