கௌஃப்க்கு அதிர்ச்சி அளித்த போகோ

கனடியன் ஓபன் டென்னிஸ் போட்டியில், உலகின் 85-ஆம் நிலையில் இருக்கும் கனடாவின் விக்டோரியா போகோ, உலகின் 2-ஆம் நிலை வீராங்கனையும், 2 முறை கிராண்ட்ஸ்லாம் சாம்பியனுமான அமெரிக்காவின் கோகோ கௌஃபை வீழ்த்தி காலிறுதிக்கு முன்னேறினார்.

- 

மான்ட்ரியல், ஆக.3: கனடியன் ஓபன் டென்னிஸ் போட்டியில், உலகின் 85-ஆம் நிலையில் இருக்கும் கனடாவின் விக்டோரியா போகோ, உலகின் 2-ஆம் நிலை வீராங்கனையும், 2 முறை கிராண்ட்ஸ்லாம் சாம்பியனுமான அமெரிக்காவின் கோகோ கௌஃபை வீழ்த்தி காலிறுதிக்கு முன்னேறினார்.

மகளிர் ஒற்றையர் காலிறுதிக்கு முந்தைய சுற்றில், வைல்டு கார்டு வீராங்கனையான விக்டோரியா போகோ 6-1, 6-4 என்ற நேர் செட்களில், போட்டித்தரவரிசையில் முதலிடத்தில் இருந்த கோகோ கௌஃபை 1 மணிநேரம், 2 நிமிடங்களில் சாய்த்தார்.

18 வயதான போகோ, கடந்த 3 ஆண்டுகளில் இந்தப் போட்டியில் காலிறுதிக்கு முன்னேறிய இளம் வீராங்கனையாக உருவெடுத்துள்ளார்.