சென்னை மாநகர உள்கட்டமைப்பை மேம்படுத்த 20 ஆண்டுகளுக்கான தொலைநோக்குத் திட்டம்

பெருநகர வளர்ச்சிக் குழுமம் நடவடிக்கை

- 

சென்னை, ஜூலை 18: பெருநகர சென்னை மாநகராட்சியின் உள்கட்டமைப்பு வசதிகளை மேம்படுத்தும் வகையில், அடுத்த 20 ஆண்டுகளுக்கான தொலைநோக்குத் திட்டத்தை செயல்படுத்த (3-ஆவது மாஸ்டர் பிளான்) சென்னை பெருநகர வளர்ச்சிக் குழுமம் தீவிர நடவடிக்கை மேற்கொண்டுள்ளது.

சென்னை பெருநகர மாநகராட்சி மக்களின் வாழ்க்கைத் தரத்தை மேம்படுத்தும் வகையில் தொழில் வளர்ச்சி, சாலை, குடிநீர், மழைநீர் மற்றும் கழிவுநீர்வடிகால், மின்சாரம், போக்குவரத்து ஆகிய வசதிகளை மேம்படுத்தும் திட்டங்களைச் செயல்படுத்தி வருகிறது. மாநகரின் வளர்ச்சித் திட்டங்களை உருவாக்கி செயல்படுத்த பெருநகர வளர்ச்சிக் குழுமம் ஏற்படுத்தப்பட்டுள்ளது.