முன்னாள் தலைமை நீதிபதிகளுடன் நாடாளுமன்றக் கூட்டுக் குழு ஆலோசனை

'ஒரே நாடு ஒரே தேர்தல்' மசோதாக்களைப் பரிசீலிக்க அமைக்கப்பட்ட நாடாளுமன்றக் கூட்டுக் குழுவிடம் உச்ச நீதிமன்ற முன்னாள் தலைமை நீதிபதிகள் ஜே.எஸ்.கேஹர், டி.ஒய்.சந்திரசூட் ஆகியோர் வெள்ளிக்கிழமை தங்களின் ஆலோசனைகளைத் தெரிவித்தனர்.

- 

புது தில்லி, ஜூலை 11:

மக்களவை, மாநிலங்கள் மற்றும் யூனியன் பிரதேசங்களின் பேரவைகளுக்கு ஒரே நேரத்தில் தேர்தல் நடத்தும் நடைமுறையை அமல்படுத்த மத்திய அரசு முனைப்புக்காட்டி வருகிறது. இதற்காக சட்ட விதிகளில் திருத்தங்கள் மேற்கொண்டு அரசமைப்புச் சட்டம் (129-ஆவது திருத்தம்) மசோதா மற்றும் யூனியன் பிரதேசங்களின் சட்டத் திருத்த மசோதா ஆகிய இரண்டு மசோதாக்கள் உருவாக்கப்பட்டன.

மத்திய அமைச்சரவையின் ஒப்புதலைத் தொடர்ந்து, இரு மசோதாக்களும் கடந்த ஆண்டு டிசம்பர் 17-ஆம் தேதி மக்களவையில் அறிமுகம் செய்யப்பட்டன. மசோதாக்களுக்கு எதிர்க்கட்சிகள் கடும் எதிர்ப்பு தெரிவித்ததைத் தொடர்ந்து, இரு மசோதாக்களும் நாடாளுமன்றக் கூட்டுக் குழு பரிசீலனைக்கு அனுப்பப்பட்டன.