இங்கிலாந்து பயணம்: இந்திய 'ஏ' அணியில் ஜெய்ஸ்வால், நிதீஷ், துருவ்

இங்கிலாந்துடனான கிரிக்கெட் டெஸ்ட் தொடரில் விளையாடுவதற்காக இந்திய அணி அந்நாட்டுக்குச் செல்லும் நிலையில், இங்கிலாந்து கவுன்டி அணியுடன் மோதவுள்ள இந்திய 'ஏ' அணி வெள்ளிக்கிழமை அறிவிக்கப்பட்டது.

- 

புது தில்லி, மே 16: இங்கிலாந்துடனான கிரிக்கெட் டெஸ்ட் தொடரில் விளையாடுவதற்காக இந்திய அணி அந்நாட்டுக்குச் செல்லும் நிலையில், இங்கிலாந்து கவுன்டி அணியுடன் மோதவுள்ள இந்திய 'ஏ' அணி வெள்ளிக்கிழமை அறிவிக்கப்பட்டது. இந்த அணிக்கு அபிமன்யு ஈஸ்வரன் கேப்டனாக நியமிக்கப்பட்டுள்ளார்.

இந்திய சீனியர் அணி, இங்கிலாந்து அணியுடன் 5 ஆட்டங்கள் கொண்ட டெஸ்ட் தொடரில் ஜூன் 20 முதல் ஆகஸ்ட் 4 வரை விளையாடவுள்ளது. இதற்காக இங்கிலாந்து செல்லும் இந்திய சீனியர் அணியுடன், இந்திய 'ஏ' அணியும் பயணிக்கிறது.